Rusiya və Türkiyənin xarici işlər nazirləri Sergey Lavrov və Mövlud Çavuşoğlu bu gün Dehlidə görüşüblər.
Xeberle.com xəbər verir ki, nazirlər "G20" sammitində iştirak etmək üçün Hindistanın paytaxtına gediblər.
Görüşün əvvəlində Sergey Lavrov türkiyəli həmkarından Ankaranın Rusiyaya qarşı sanksiyalar tətbiq etmək üçün Qərbin təzyiqlərinə nə qədər müqavimət göstərə biləcəyini soruşub. Buna cavab olaraq Türkiyə diplomatiyasının rəhbəri iddia edib ki, Ankara Rusiyaya qarşı sanksiyalar tətbiq etmək niyyətində deyil.
"Müqavimət göstərməyə ehtiyacımız yoxdur, çünki suveren dövlətə yaraşan kimi özümüz qərarlar veririk. Biz heç bir təktərəfli sanksiyalara qoşulmuruq, yalnız Birləşmiş Millətlər Təşkilatının razılığı ilə qoyulan sanksiyalara qoşuluruq. Yeri gəlmişkən, bu, təkcə Rusiyaya deyil, digər ölkələrə, məsələn, İrana da aiddir", - Çavuşoğlu bildirib.
Xəbərdən istifadə edərkən istinad etmək vacibdir.
