Fransa paytaxtının əsas simvollarında biri, böyükmiqyaslı yanğın nəticəsində zədələnmiş Notr-Dam kilsəsinin təmiri 2024-cü ilin dekabrında ictimaiyyətə açılacaq qədər sürətlə davam edir.
Bu barədə kafedral kilsənin bərpasına cavabdeh olan general Jan-Lui Jorjlen bəyan edib.
Onun sözlərinə görə, Notr-Damın 2019-cu ildə yanğın zamanı dağılan şpili bu il tədricən yenidən abidənin üzərində görünməyə başlayacaq.
"Şpilin Paris səmasına qayıtması Notr-Dam uğrunda döyüşdə qalib gəldiyimizin simvolu olacaq”, - deyə o vurğulayıb.
Xatırladaq ki, Notr-Damda 2019-cu ilin aprelində irimiqyaslı yanğın baş verib. Ehtimal olunur ki, hadisəyə elektrik şəbəkəsindəki problem səbəb olub. Yanğın 14 saat ərzində söndürülüb, tarixi binaya ciddi ziyan dəyib.
Xəbərdən istifadə edərkən istinad etmək vacibdir.
