Türkiyənin İstanbul şəhərində TEKNOFEST aviasiya, kosmos və texnologiya sərgisi öz işinə başlayıb.
Xeberle.com xəbər verir ki, 7-ci dəfə keçirilən sərgi mayın 1-dək davam edəcək.
İstanbulda güclü yağış yağmasına baxmayaraq, sərginin ilk günündə çoxlu sayda ziyarətçi iştirak edib. Atatürk hava limanında keçirilən sərgidə Türkiyə şirkətləri öz məhsullarını təqdim edir.
Sərgidə "Baykar" şirkətinin istehsal etdiyi "Bayraktar TB2", "Bayraktar TB3", "Akıncı" pilotsuz uçuş aparatları, "KızılElma" insansız qırıcısı, TUSAŞ şirkətinin istehsal etdiyi "Anka", "Aksungur" pilotsuz uçuş aparatları, helikopterlər və digər texnikalar nümayiş etdirilib.
Qeyd edək ki, TEKNOFEST çərçivəsində yüz minlərlə gəncin arzularını həyata keçirməsi üçün müxtəlif fənlər və kateqoriyalar üzrə texnologiya yarışmaları təşkil edilir.
Xəbərdən istifadə edərkən istinad etmək vacibdir.
