Ukraynanın "Sağ sektor” radikal qruplaşması növbəti quldurluq hərəkətinə imza atıb.
Avropa.info xəbər verir ki, radikallar İvano-Frankovsk əyalətinin Baş Ədliyyə İdarəsinin binasına hücum edərək, idarənin müdiri Vasili Kavasyukdan istefa ərizəsinə imza atmasını tələb ediblər. 
"Müxalif blok” partiyasının Karpat ərazisində şöbəsinin ədliyyə idarəsi tərəfindən qeydiyyata alınması radikalları özündən çıxarıb.
İstefa ərizəsini imzalamaqdan imtina edən məmuru əvvəlcə kabinetindən çölə çıxarıblar. Orada gözləyən adamlar qarşısında zorla itələyib zibil qabına salıblar. İçində dövlət məmuru olan zibil qabını şəhərin küçələri ilə dəmiryolu vağzalınadək gəzdiriblər. "Sağ sektor” üzvləri Kavasyuku Moskvaya yola salmaqla təhdid ediblər. Guya ki, o Rusiya yönümlüdür. 
Vağzal meydanında məmurun üzərinə zelyonka şüşəsini boşaltdıqdan sonra onu sərbəst buraxıblar.