20-ci əsrin əvvələrində şotlandiyalı fermer evinə qayıdarkən bataqlıqda batan uşağı görür. O, özünü itirmədən ağacın bir budağını kəsərək uşağa doğru uzadaraq onu xilas edir. Uşaq bataqlıqdan çıxandan sonra tir-tir əsirdi.

-Mənimlə evə gedək. Sənə sakitləşmək və isinmək lazımdır.

-Yox, atam gözləyir. O indi çox narahatdır.

Uşaq  xilaskarına təşəkkür edərək qaçır. Səhərisi gün fermerin evinin önündə bahalı bir kareta dayanır.

Fermer ordan bir zadəganın düşdüyünü görüb qapıya çıxır.

-Dünən siz mənim oğlumun həyatını xilas etmisiniz?

-Bəli.

- Sizə nə qədər borcluyam?

-Xahiş edirəm, məni təhqir etməyin. Heç nə borclu deyilsiniz.  Normal insanın edəcəyi hərəkəti elədim.

-Xeyr, oğlum mənim üçün çox əzizdir,  istədiyiniz məbləği söyləyin.

- Mən bu barədə artıq danışmaq istəmirəm. Fermer arxasını çevirib getmək istəyəndə oğlu evdən bayıra çıxır.

-Bu sizin oğlunuzdur? deyə, qonaq soruşur

-Bəli ağa.

-Gəlin belə edək, mən sizin oğlunuzu Londona oxumağa aparım və bütün xərcləri öz üzərimə götürüm. Əgər sizin oğlunuz atası kimi xeyirxahdırsa, qərarınıza görə peşmanlıq çəkməyəcəksiniz.

Bir neçə il keçdi, fermerin oğlu məktəbi bitirdi,  daha sonra tibb universitetini.

 Bir neçə ildən sonra, bu uşağın adı bütün dünyaya pensilini kəşf etmiş bir dahi olaraq bəlli olur. Onun adı Aleksandr Flemminq idi.

Müharibə zamanı zadəganın oğlu yarası ağır halda xəstəxanaya çatdırılır.

 Sizcə, onun həyatını nə xilas edir?

Aleksandr Flemminqin kəşf etdiyi pensilin.

Fleqmininə təhsil verən centlemenin adı Randolf Çerçil,  onun oğlu isə Uinston Çerçil idi,  hansı ki,  İkinci Dünya Savaşında almanlara qalib gələn ölkənin Baş naziriydi.

P.S.

Bəlkə də Çerçilin məşhur kalamını "Nə etsən, elə sənə qayıdacaq"  buna görə söyləmişdir.  (atv.az)