Qazaxıstan Prezidenti Qasım-Jomart Tokayev bazar günü Təhlükəsizlik Şurasının plandankənar iclasını keçirəcək və burada Rusiyadakı vəziyyətlə bağlı hüquq-mühafizə orqanları rəhbərlərinin məruzələrini dinləyəcək.
Bu barədə Qazaxıstan liderinin mətbuat xidməti məlumat yayıb.
"Sabah səhər prezident Qasım-Jomart Tokayev Təhlükəsizlik Şurasının plandankənar iclasını keçirəcək. Dövlət başçısı baş nazirin, hüquq-mühafizə orqanları rəhbərlərinin Rusiyada yaranmış vəziyyətlə əlaqədar onun tapşırıqlarının yerinə yetirilməsi istiqamətində görülən tədbirlərlə bağlı məruzələrini dinləyəcək”, - məlumatda deyilir.
Mətbuat xidmətində qeyd olunduğu kimi, "qonşu dövlətdəki vəziyyətin Qazaxıstan vətəndaşlarının təhlükəsizliyinə və ölkənin iqtisadiyyatına təsirinin mümkün mənfi nəticələrinin zərərsizləşdirilməsi üzrə operativ tədbirlər planının qəbulu gözlənilir”.
Xəbərdən istifadə edərkən istinad etmək vacibdir.
