"Ermənistan-Azərbaycan münasibətlərinin normallaşması prosesi asan məsələ deyil".
Xeberle.com xəbər verir ki, bunu Rusiya Xarici İşlər Nazirliyinin (XİN) sözçüsü Mariya Zaxarova bu gün keçirdiyi mətbuat konfransında deyib.
"Amma bildirməliyəm ki, bunun alternativi yoxdur. Azərbaycan Prezidenti İlham Əliyevin Rusiya ilə Azərbaycan arasında qarşılıqlı əlaqələrin yüksək qiymətləndirilməsi haqda fikirlərini bölüşürük",- deyə XİN rəsmisi bildirib.
Onun sözlərinə görə, Rusiya ilə Azərbaycan arasında möhkəm əlaqələr Cənubi Qafqazda sabitliyin mühüm elementlərindən biridir.
Bundan əlavə, Zaxarova qeyd edib ki, Avropa İttifaqının Ermənistandakı missiyası Bakı-İrəvan münasibətlərinin normallaşmasına töhfə vermir.
Xəbərdən istifadə edərkən istinad etmək vacibdir.
