"Forbes” jurnalının Rusiya versiyası ölkənin ən zəngin iş adamının illik siyahısını dərc edib. Jurnalın 2014-cü il üzrə tərtib etdiyi "ən zəngin 200 Rusiya biznemseni” siyahısında azərbaycanlılar da var

Vahid Ələkbərov – 13,6 milyard dollar

"Lukoyl” şirkətinin prezidenti Vahid Ələkbərov 2014-cü ildə Rusiyanın ən zəngin 7-ci biznesmenidir. "Forbes” jurnalı onun kapitalının 2014-cü ildə 13,6 milyard dollar təşkil etdiyini yazıb. 2013-cü illə müqayisədə sərvəti 1,2 milyard dollar azalan 64 yaşlı Azərbaycan mənşəli iş adamı buna görə 5-ci pillədən 7-ci pilləyə qədər geriləyib.

Qod Nisanov – 3,6 milyard dollar

"Miyev meydanı” ticarət mərkəzinin sahibi olan Qod Nisanov 2-14-cü ildə sərvətini 600 milyon dollar artıraraq Rusiya zənginlərinin reytinq cədvəlində 5 pillə irəliləyib. Əslən Qubanın Qırmızı qəsəbəsindən olan 48 yaşlı Nisanov növbəti illərdə kapitalını daha da artırmağa iddialıdır.

Zarah İliyev – 3,6 milyard dollar

Qod Nisanov kimi Qubanın Qırmızı qəsəbəsində anadan olmuş Zarah İliyev həm də onunla iş ortağıdır. 42 yaşlı İliyev 2013-cü illə müqayisədə 6 pillə irəliləyərək ən zəngin 200 Rusiya biznesmeni arasında 31-ci yeri tutur.

Araz Ağalarov – 1,8 milyard dollar

"Korikus Qrup” holdinqinin sahibi olan Araz Ağalrov isə 2014-cü ildə 200 zəngin arasındakı mövqeyini dəyişməz saxlaya bilib. Qərbin sanksiyalarına görə maliyyə itkilərinə uğrayan 59 yaşlı iş adamı buna baxmayaraq uğurlu yatırımlar etməyi bacarır.   

 Fərhad Əhmədov – 1,4 milyard dollar

"Forbes” siyahısında yer alan daha bir azərbaycanlı Fərhad Əhmədov isə ən zənginlər siyahısnda 1 pillə irəliləyərək 69-cu yerdə qərarlaşıb. 59 yaşlı biznesmen yaxın illərdə yeni sənaye sahələrində yatırım etməyi planlaşdırır.

Telman İsmayılov – 750 milyon dollar

Mətbuatda adı tez-tez hallanan Azərbaycan əsilli biznesmen Telman İsmayılovun kapitalı isə ötən illərə görə xeyli azalıb. Bu 58 yaşlı iş adamının Rusiyadakı iş fəaliyyətinin azalmasıl ilə bağlı ola bilər. Siyahıda 137-cidir.

İlham Rəhimov – 500 milyon dollar

Rusiya prezidenti Vladimir Putinin azərbaycanlı tələbə yoldaşı İlham Rəhimov  200 ən zəngin Rusiya biznesmeninin siyahısında 187-ci yerdədir. "Forbes” jurnalı onun biznes fəaliyyəti barədə məlumat verməsə də, 63 yaşlı Rəhimovun yarım milyard sərvətinin olduğu bildirilir.  (modern.az)