Dünyanın ən varlı adamlarının sərvətlərini izləyən "Forbes" jurnalı ABŞ-nin 400 ən zəngin adamını açıqlayıb.
Xeberle.com məlumat verir ki, bu il İlon Mask 251 milyard dollarla zənginlər siyahısında birinci yeri tutub. Maskdan sonra 160 milyard dollarla "Amazon”un sahibi Ceff Bezos, üçüncü yeri isə 158 milyard dollarla "Oracle”ın sahibi Larri Ellison tutub. ABŞ-nin ən zəngin 10 adamının ümumi sərvəti 1,3 trilyon dolları ötüb. Yalnız ilk 10-luqda olan İlon Mask, Mark Zukerberq və Bill Qeyts kimi texnologiya milyarderləri sərvətlərini keçən illə müqayisədə 300 milyard dollar artırıblar.
Amerikanın keçmiş prezidenti Donald Trampın siyahıdan çıxarıldığı siyahıya bu il 18 yeni milyarder qoşulub. Bu insanlar arasında ən çox diqqət çəkən məşhur basketbolçu Maykl Cordan olub. NBA-nın keçmiş ulduzu 60 yaşlı Cordan 3 milyard dollar sərvəti ilə siyahıya 379-cu yerdə daxil olub. 18 yeni milyarderin siyahısında digər diqqətçəkən ad vençur kapitalı firması "Thrive Capital"ın qurucusu və idarəedici tərəfdaşı Coş Kuşner olub. 38 yaşlı Kuşner daşınmaz əmlak maqnatı Çarlz Kuşnerin oğlu və Trampın kürəkəni Jared Kuşnerin qardaşıdır. Ən zəngin 400-lük siyahısında digər diqqət çəkən ad isə Özmen cütlüyü olub. "Sierra Nevada Corporation"ın sahibi Özmen 3,4 milyard dollarlıq sərvəti ilə siyahıya 338-ci, şirkətin CEO-su olan həyat yoldaşı Fatih Özmen isə 3,3 milyard dollar sərvəti ilə 345-ci yerdə qərarlaşıb.
1980-ci illərin əvvəllərində Eren Özmen ali təhsil almaq üçün ABŞ-yə gedib və 1985-ci ildə Nevada, Reno Universitetində (UNR) Biznesin İdarə Edilməsi üzrə Magistr dərəcəsini (MBA) bitirib. Qısa müddət sonra 1988-ci ildə "Sierra Nevada Corporation"a qoşulub. Eren Özmen və həyat yoldaşı Fatih Özmen 1994-cü ildə "Sierra Nevada Corporation"ı satın alıblar.
"Forbes" Özmen haqqında bunları deyib: "Universitetə başlayanda ofisdə təmizlik işləri aparır, paxlava satırdı. İndi o, gələn il kommersiya uçuş zolağına enə bilən yeganə kosmik gəmi olan "Dream Chaser"i buraxmağa hazırlaşır".
Xəbərdən istifadə edərkən istinad etmək vacibdir.
