Suriyanın Homs şəhərindəki hərbi akademiyaya pilotsuz təyyarənin hücumu nəticəsində azı 100 nəfər ölüb, onlarla insan yaralanıb.
Xeberle.com xarici mediaya istinadən məlumat verir ki, partlayıcı yüklü pilotsuz təyyarələr kursantların ailələrinin iştirak etdiyi məzun mərasimini hədəf alıb, ölənlər arasında qadın və uşaqlar da var.
Ordu "məlum beynəlxalq qüvvələr tərəfindən dəstəklənən terror qrupları”nı günahlandırıb.
Ölkədəki vətəndaş müharibəsində hökumətə qarşı mübarizə aparan üsyançılar və cihadçılardan dərhal heç bir iddia olmayıb.
Pilotsuz təyyarə hücumunun Homsun şimal-qərbində müxalifətin nəzarətində olan ərazilərdən həyata keçirildiyi güman edilir.
Xəbərdən istifadə edərkən istinad etmək vacibdir.
