Günəş sistemimizin ilk dövrlərindən bir zaman kapsulu rolunu oynaya biləcək təmiz asteroid nümunəsi aşkar edilib.
Xeberle.com xarici mediaya istinadən xəbər verir ki, bu barədə NASA məlumat yayıb.
NASA administratoru Bill Nelsonun sözlərinə görə, qayalar və tozun tərkibində su və böyük miqdarda karbon var.
NASA-nın Merilend ştatının Greenbelt şəhərindəki Goddard Kosmik Uçuş Mərkəzində OSIRIS-REx layihəsi üzrə alim Dr. Ceyson Dvorkinin dediyinə əsasən, nümunə çəkiyə görə təqribən 5% karbon təşkil edir ki, bu da onu asteroiddə tədqiq ediləcək ən yüksək karbon konsentrasiyalarından birinə çevirir.
"Bu 60 qramlıq hədəfimizi çox üstələyir və Yerə qayıdan ən böyük karbonla zəngin asteroid nümunəsidir. Karbon və su molekulları bizim tapmaq istədiyimiz material növləridir. Onlar öz planetimizin formalaşmasında mühüm elementlərdir. Asterodilər bizə həyatın yaranmasına səbəb ola biləcək elementlərin mənşəyini müəyyən etməyə kömək edəcəklər”, - Nelson əlavə edib.
Təqdim etdi: Aygün İsmayılova
Xəbərdən istifadə edərkən istinad etmək vacibdir.
