Qırğızıstan və Çin sərhədində 4,5 və 4,8 bal gücündə daha iki zəlzələ baş verib.
Xeberle.com xarici KİV-ə istinadən xəbər verir ki, bu barədə Qazaxıstan Fövqəladə Hallar Nazirliyinin seysmik stansiyalar şəbəkəsi məlumat yayıb.
Məlumata görə, ilk zəlzələ paytaxt Almatıda 2 bal gücündə hiss edilib. İkinci zəlzələnin episentri Almatıdan 269 kilometr cənub-şərqdə yerləşib. Zəlzələ şəhərdə hiss olunmayıb.
Xatırladaq ki, yanvarın 23-nə keçən gecə Çin və Qırğızıstan sərhədində 7,0 bal və 6,7 bal gücündə zəlzələlər olub.
Zəlzələ nəticəsində bir neçə şəhər sakini xəsarət alıb.
Xəbərdən istifadə edərkən istinad etmək vacibdir.
