Ermənistanın Azərbaycanla şərti sərhəddə yerləşən Tavuş bölgəsində həyəcan siqnalı veriləcək.
Xeberle.com məlumat verir ki, bu barədə erməni KİV məlumat yayıb.
Qeyd olunub ki, həyəcan siqnalı bölgənin Vazaşen (Lələkənd - red.) qəsəbəsində eşidiləcək.
Həyəcan siqnalının təlim məqsədi daşıdığı deyilir: "Hər hansı bir təhlükə yarandıqda əhalinin xəbərdar edilməsi, sığınacaq və təxliyə əməliyyatlarının təşkili mövzusunda təlim keçiriləcək".
Qeyd edək ki, Azərbaycan bu və digər 3 kəndin kəndin təcili qaytarılması ilə bağlı İrəvana müraciət edib.
Vazaşen adlandırılan Lələkəndin qədim adı isə Aşhigahdır. Tarixi Azərbaycan torpağı olan bu kəndin adı 1978-ci ildə Ermənistan SSR-nin qərarı ilə dəyişdirilərək, Vazaşen qoyulub. Kənd Yelizavetpol quberniyasının Qazax qəzasına aid olub, indi Ermənistanın İcevan rayonunda yerləşir.
Xəbərdən istifadə edərkən istinad etmək vacibdir.
