Husilər modernləşdirilmiş Fələstin 2 ballistik raketindən istifadə edərək Təl-Əvivə hücum ediblər.
Xeberle.com məlumat verir ki, bu barədə Husi ordusunun sözçüsü Yəhya Sariya açıqlayıb.
"Yəmən Silahlı Qüvvələri hərbi əməliyyat keçirərək, İsrail düşməninə məxsus hərbi hədəfi Fələstin 2 ballistik raketi ilə vurub", - deyə məlumatda bildirilir.
İsrail mediası da Yəməndən edilən hücumu dəf etdiyini bildirib. Eyni zamanda qeyd olunub ki, sığınacağa gedən yolda yaranan izdiham zamanı 17 nəfər xəsarət alıb.
Xəbərdən istifadə edərkən istinad etmək vacibdir.
