"Sizi müzakirə etsəydilər xoşunuza gələrdi?”.

Çeçenistan rəhbəri Ramzan Kadırov 17 yaşlı Luiza Qoylabityeva və Nojay Yurtovck rayon Daxili İşlər Şöbəsinin rəisi Najud Quçiqovun toyunu WhatsApp-da ələ salan vətəndaşları qınayıb.  

 "Qroznı” telekanalının efirində bu barədə gedən süjet YouTube-də yerləşdirilib. 

"Siz adamları incidirsiz. Sizi müzakirə etsəydilər xoşunuza gələrdi? Qızın ləyaqətinə toxunanda bilirsiniz nə olur?

Düşmənçilik olur və qan davası düşür”, - Kadırov, Quçiqovun iştirakı ilə keçən görüş zamanı bildirib.

WhatsApp-da ünsiyyətdənsə Kadırov çeçen qadınlarına işləməyi və uşaqlarına tərbiyə verməyi məsləhət görüb. "Çeçen olun, uşaqlarınız haqqında düşünün. Ailə şərəfi ən mühüm olan bir şeydir, ona heç kimin toxunmağına ixtiyar vermərik. WhatsApp-da yazmayın. Kişilər, qadınları qrupdan çıxmağa məcbur edin”, - o qeyd edib.

WhatsApp mesenceri çox zaman qruplarda ünsiyyət üçün istifadə edilir. Kadırovun bu yazışmanın məzmununu hardan öyrəndiyi məlum deyil.

Öz İnstagram səhifəsində o qeyd edib ki, son zamanlar sosial şəbəkələrdə insanlara dair yalan və iftiralar çox yayılıb. "Bununla xüsusilə də xaricdə qərbi xüsusi xidmət əməkdaşları özlərini Çeçenistan sakini kimi qələmə verərək məşğul olurlar. Bununla mübarizə aparmaq lazımdır, bir addım irəlidə olmaq lazımdır”, - Kadırov yazıb.

Çeçen paytaxtında yetkinlik yaşına çatmayan Luiza Qoylabiyevanı necə ərə veriblər. Quçiqov və Qoylabiyevanın nikahı mayın 16-da Qroznı səadət sarayında qeydə alınıb. Mərasimdə Kadırov özü də iştirak edib, toyu əsrin toyu adlandırıb.

2015-ci ilin martında çeçen lideri uşaqların WhatsApp və digər mesencerlərə girişini məhdudlaşdırmaq istəyirdi. Öz təklifini o, cəmiyyətdə yayılan şayiələrin internetdən qaynaqlanması ilə əlaqələndirmişdi.

"Biz gənclərlə işləyəcəyik ki, onlar sosial şəbəkələrdən düzgün istifadə etsinlər. Göstəri üçün yaşamaq lazım deyil. Mənim arvadım və uşaqlarım sosial şəbəkələrdə oturmurlar, onların fərdi anketləri yoxdur”, - Kadırov demişdi.

2014-cü ilin noyabrında Çeçenistan rəhbəri rusiyalı istifadəçilərə xarici sosial şəbəkələrdən istifadədən imtina edib "VKontakte”yə keçməyi məsləhət görürdü. (oxu.az)