Bu gün Fransanın "France Football" jurnalının versiyasına əsasən, 2023/24-cü illər mövsümünün yekunlarına görə dünyanın ən yaxşı futbolçusu üçün "Qızıl top" mükafatının təqdimetmə mərasimindən öncə qalibin adı və siyahı mediaya sızdırılıb.
Oxu.Az xəbər verir ki, mediaya sızdırılan xəbərdə "Real Madrid" klubunun futbolçusu Vinisius Juniyorun 630 xalla "Qızıl Top"un sahibi olacağı bildirilib. "Mançester Siti" klubunun futbolçusu Rodrinin isə 576 xalla ikinci pillədə qərarlaşdığı deyilir. İlk üçlüyü 422 xalla "Real Madrid" klubunun digər üzvü Cud Bellingem tamamlayır.
Kilian Mbappe siyahıda 4-cü sırada qərarlaşıb. Erlinq Holand 6-cı, Lamin Yamal isə 7-ci olub.
Qeyd edək ki, mükafatlandırma mərasimi bu gecə saat 23:00-da keçiriləcək.
Xəbərdən istifadə edərkən istinad etmək vacibdir.
