Dünyada heykəllər çoxdur. Lakin elə sənət əsərləri var ki, bir parça daş və ya metaldan olan bu heykəllər insanı təəccübləndirməyə bilmir. Yer kürəsinin müxtəlif şəhərlərinin küçələrini bəzəyən insan təxəyyülünün ən gözəl incilərini təqdim edirik.
Şair Mihay Emuneska, Rumıniya
Mihay Emuneskunun adı bu gün rumıniyalı və moldovalılar üçün müqəddəs bir şəxs kimi yad edilir. Bu heykəltəraşlıq incisi onun şərəfinə qurulub. Kompozisiya qürub çağında daha möhtəşəm görünür.
Las Kalinasın mustanqları, ABŞ
Bürünc rəngli bu at heykəllərinin həcmi onların təbii böyüklüklərindən bir yarım dəfə çoxdur. Əsərin əsas ideyası, bu möhtəşəm atların hərəkət gücünü nümayiş etdirməkdir.
Genişləndirilmə, ABŞ
Bu qeyri-adi kompozisiya hazırda müasir incəsənətin görkəmli incilərindən biri sayılır. Heykəltəraş Peyc Bredli deyir ki, bu əsər tamaşaçıların insan təsvir edilən heykəllərə qarşı kritik fikirlərini düşünərkən yaranıb.
Keçid dövrü, Polşa
Polşa - bu ölkənin payına çoxlu çətinlik və əziyyətlər düşüb. Bu abidə hərbi vəziyyət haqqında qanunun qəbul edilməsinin qurbanlarına həsr olunub.
Begemot, Tayvan
Taybey heyvanat parkındakı bu begemot heykəli vəhşi heyvanların qorunmasının reklamıdır.
Dunay sahilində çəkmələr, Macarıstan
Macarıstanda güllələnən yəhudilərin xatirəsinə həsr olunan bu abidə 2005-ci ildə qoyulub.
Azadlıq, ABŞ
Xenos Frudakisin bu şəhər heykəltəraşlıq nümunəsi bir adamın addım-addım boz kütlədən olan üz, əl və ayaqdan ayrılmasını təsvir edir.
Çimən uşaqlar, Sinqapur
"Çimən uşaqlar" "People of the River" abidələr seriyasının bir hissəsidir. Burada keçmişdə çayın sahilində yaşayan sakinlərin həyat tərzi əks etdirilib.
Yəhudilərə xatirə memorialı, Krakov
Yəhudilərin köçürülməsi dövründə evlərdən bütün mebellər çıxarılırdı ki, evdə heç kəs körpələri gizlədə bilməsin. Bu stullar onu xatırladır.
Qızılbalıq, ABŞ
Qızılbalıq heykəli Portlenddə şəhər binalarından birinin sanki "içərisinə" girmişdir.
Şirlər, Böyük Britaniya
Məşhur heykəltaraş Kendr Heyst tərəfindən yaradılmış bu qara şirlər London Tauerini dəvətsiz qonaqlardan qoruyurlar.
Nəhəng Kelli atları, Şotlandiya
Bu kompozisiyanın tikintisi 7 il davam edib. Onun hündürlüyü 30 metrdir. Bu nəhəng atlar Şotlandiyanın sənaye və iqtisadiyyatının simvoludur. Vaxtı ilə Şotlandiyada atlardan vaqonların və dəniz vasitəsilə gələn ağır yüklərin daşınmasında istifadə edilib.
"Azadlıq yolu” , Vilnus
Bu "Azadlıq yolu” kompozisiyası Litva dövlətinin bərpasının 20 illiyinə həsr olunub və ölkənin bütün sakinlərinı birlik və azadlıq yolunu davam etdirməyə çağırır.
Telefon kabinələri, Böyük Britaniya
Heykəltəraşlıq nümunəsi artıq istifadədən silinmiş qırmızı telefon kabinələrinin klassik modellərindən yaradılıb. Bu kompazisiya keçmişin nastolji simvoludur.
Emiqrantlar, İrlandiya
İrlandiyada yaşanan böyük aclıq ölkə tarixində silinməz iz qoyub. Bu aclıq nəticəsində bir neçə il ərzində əhalinin 20-25% -i həyatlarını itirib. Abidə Dublinin mərkəzində bu dəhşətin qurbanlarının xatirəsinə ucaldılıb.
Sevgili drakonlar, Bolqariya
Abidənin müəllifi heykəltəraş D. Lazarov bildirir ki, bu nağıl qəhrəmanlarını yaxınlıqdakı hovuzda məşq edən uşaqları sevindirmək üçün yaradıb. (analitik.az)
Xəbərdən istifadə edərkən istinad etmək vacibdir.
