İran nüvə silahı istehsal etməyəcək, çünki bu, ölkə rəhbərliyi tərəfindən qadağandır.
Xeberle.com məlumat verir ki, bunu İslam Respublikası Xarici İşlər Nazirliyinin rəsmi nümayəndəsi İsmail Bəqayi deyib.
O, İran parlamentinin üzvü Məhəmməd Qasim Osmaninin Qərblə danışıqlarda bərabərliyi təmin etmək üçün atom bombası yaratmaq təklifini belə şərh edib: "İran heç vaxt, heç bir şəraitdə nüvə silahı yaratmaq yolunu tutmayacaq. Bu, Ali Rəhbərin (Ayətullah Əli Xameneinin -red.) fətvasına əsaslanan strategiyamızın ayrılmaz hissəsidir".
Onun sözlərinə görə, Beynəlxalq Atom Enerjisi Agentliyinin (MAQATE) hesabatları Tehranın nüvə proqramının dinc xarakter daşıdığını təsdiqləyir.
Xəbərdən istifadə edərkən istinad etmək vacibdir.
