Hər il təşkil edilən Hollivud Frinqdə ədəbiyyat nəhəngi olan türkiyəli şair Nazim Hikmət ilə onun ilham pərisi Pirayənin dünyaca məşhur eşq hekayəsi səhnələşdiriləcək.

Tamaşa ilk dəfə iyunun 13-də səhnəyə qoyulacaq.

"Beynəlxalq Kollektiv Teatrı” (International Collective Theatre) tərəfindən səhnəyə qoyulacaq tamaşanın quruluşunu, yazar və rejissorluğunu Fulya Diner edib. Nazim xarakterini Amerika teatr aktyoru Brison Cons Olmən, Pirayəni isə türkiyəli aktrisa və opera sənətçisi Elif Savaş canlandıracaq. Tamaşa ingiliscə səhnələşdiriləcək.

Xatırladaq ki, siyasi fikirlərini cəsarətlə bildirməsindən sonra 12 il həbsdə yatan Nazim Hikmət böyük sevgisi Pirayədən ayrı düşdüyü müddət boyunca da ölümsüz əsərlərini yaratmağa davam edib. Ona bu ağrılı-acılı günlərdə dəstək olan xalq, İstanbul, ədəbiyyat, sənət və yenə Pirayə sevgisi olub.  (axar.az)