Avropa İttifaqı (Aİ) 2025-ci ilin sonuna qədər Kiyev üçün silah və sursat alınmasına Rusiyanın dondurulmuş aktivlərinin yenidən investisiyasından əldə edilən 900 milyon avro gəlir ayırmaq niyyətindədir.
Xeberle.com-un TASS-a istinadən verdiyi xəbərə görə, bu barədə Aİ-Ukrayna hərbi əməkdaşlığına dair konfransda Avropanın müdafiə məsələləri üzrə komissarı Andryu Kubilyus məlumat verib.
"Aİ ilin sonuna kimi Kiyev üçün sursat və silahların alınmasına daha 900 milyon avro ayıracaq", - deyə o bildirib.
Kubilyus, həmçinin xatırladıb ki, Aİ diplomatik missiyasının rəhbəri Kaya Kallas mayın 9-da Lvovda Ukraynanın hərbi sənayesinə bir milyard avro sərmayə yatıracaqlarını vəd edib və bu pulların müxtəlif dronların istehsalına sərf ediləcəyini vurğulayıb.
Xəbərdən istifadə edərkən istinad etmək vacibdir.
