Keçmişdə insanlar arasında olan irqi ayrı-seçkilik bir çox geridə qalmış qəbilələrin faciəsinə gətirib çıxarmışdı. İndi sizə haqqında danışacağımız şəxs də bu miskin siyasətin acı qurbanı olan birisidir.
Bu ayrı-seçkiliyin faciəvi qurbanlarından olan Ota Benqa adlı zənci balası...
O, bu günkü Konqo Respublikasından ABŞ-a gətirilən zəncidir.
1904-cü ildə amerikalı missioner Samuel Filips Verner tərəfindən Konqo Respublikasından bir qrup zənci gəmilərə doldurularaq ABŞ-a aparılır. Onlar aylarla davam edən dəniz səfərini zəncirlə qandallanmış halda keçirirlər.
Bu gəmidə eyni üsulda vəhşi heyvanları da Yeni Qitəyə aparırdılar.
Bu kolonun içərisində yer alan Ota Benqa 1904-cü ildə dünya sərgisində təqdimata çıxarılır.
O insanın əcdadına ən çox oxşayan məxluq kimi nümayiş etdirilir.
İki il sonra isə Oto Nyu Yorkda Bronz zooparkında bir neçə şimpanze, bir oranqutan və bir qorilla ilə birlikdə sərgilənir.
Meymunla insan arasında eksprementlər aparan alimlər tərəfindən Otonun üzərində dəfələrlə təcrübə aparılıb. O meymuna çox bənzəyirdi və dişləri də vəhşi heyvanın dişləri kimi sivri idi.
Daha sonra Oto dindar və xeyirsevər insanların diqqətini cəlb edir. O, həmin şəxslər tərəfindən zooparkdan çıxarılır və onu əhliləşdirilməyə başlayırlar.
Bu zaman kəsimində o Konqoda yaşayan qəbiləsinə geri dönür.
Gah heyvan, gah insan cəmiyyətində yaşamağa məhkum olan Oto heç zaman özünü formalaşdıra bilmədi.
Kəskin adaptasiya prosesinə və təzyiqə dözməyərək 21 mart 1916- cı ildə 32 yaşında özünə qıydı.
O, oğurladığı tapança ilə ürəyindən vuraraq intihar edir. Oto buna qədər artıq evlənmişdi və iki uşaq atası idi. (atv.az)
Xəbərdən istifadə edərkən istinad etmək vacibdir.
