Türkiyənin nazirlər kabinetinin Xaricdə Yaşayan Türklər və Qohum İcmalar idarəsi (YTB) Fələstin-İsrail münaqişəsinin həllinə yardım məqsədilə arxivləri açıb.
YTB Yaxın Şərqdə böyük problem halına gəlmiş Fələstin-İsrail münaqişəsinin həllində yardım etmək üçün konkret sənədlər ortaya qoyacaq layihəyə imza atıb.
Bu çərçivədə qurum Fələstin hökuməti ilə əməkdaşlıq edərək Osmanlı arxivlərində olan "Fələstin Sənədləri” adlı layihəyə start verib.
Layihə çərçivəsində Osmanlı Dövlət Arxivləri araşdırılaraq bölgədə yaşanan problemlər üçün onların həlli yolları araşdırılacaq.
3 il davam etməsi nəzərdə tutulan layihənin geridə qalan 1-ci ilində təxminən 400 il boyunca Osmanlı dövlətinin hakimiyyəti altında olan bölgələrdəki qeydiyyat vərəqələri, vəqf torpaqları, xüsusi mülklər, miras kimi məhkəmə qeydləri kimi bir çox sənədlər araşdırılıb. (avropa.info)
Xəbərdən istifadə edərkən istinad etmək vacibdir.
