ABŞ Dövlət Departamenti dünyada insan hüquqlarının vəziyyəti ilə bağlı illik hesabatını açıqlayıb.
Hesabatda ötən il ərzində insan hüquqlarının ən çox pozulduğu ölkələrin başında Ermənistan gəlir.
Hesabatda Ermənistanın 2014-cü il ərzində ən ciddi insan azadlıqlarının pozuntusu kimi korrupsiya və hakimiyyətin qeyri-şəffaf olması göstərilib.
Bundan başqa, Ermənistan Silahlı Qüvvələrində şübhəli əsgər ölümləri, "dedovşina" və çağırışçılara qarşı qəddar rəftarda geniş əks olunub.
Sənəddə deyilir: "Polis insanlara həbs və dindirmə zamanı ifadələrin alınması məqsədi ilə işgəncələr verir. Həbsxanaların çoxu qeyri-sanitar şəraitindədilər.
Hökumət insanların, cinayətdə şübhəli bilinənlərin əsassız həbsinə və saxlanılmasına göz yumur. Etirazları işıqlandıran jurnalistlərə qarşı təzyiqlər davam edir".
Təbii ki, indi də bu "forpost" ölkədə vəziyyət heç də yaxşı deyil. Xalq cinayətkar rejimə qarşı ayağa qalxıb. Çünki onlar üçün bıçaq sümüyə dirənib. İşsizlik, yoxsulluq, səfalət baş alıb gedir. Qarabağ klanı ölkəni məhv etmək astanasındadır. Dinc sakinlərə qarşı polisin davranışı dünyada rezonans doğurub. Mülki şəxslərə qarşı divan tutulur. Serj Sarkisyan hakimiyyətini qorumaq üçün minlərlə insanın ölümünə belə razıdır. Çünki onlar hakimiyyətdən getsələr talelərinin necə olacağını çox gözəl bilirlər.
Məzlum ermənilər isə düşünürlər ki, ölkənin xilas yolu, xalqın rahat nəfəs alması, İrəvanın uçurumdan dönməsi, qarşısında duran ciddi problemlərin həlli üçün qonşuları ilə dil tapması rusiyapərəst rejimin hakimiyyətdən gedişindən asılıdır. Odur ki, İrəvanda xalqın hakimiyyətə qarşı dirənişi, üsyanı davam edir. (anspress.com)
Xəbərdən istifadə edərkən istinad etmək vacibdir.
