Müqəddəs Qurani-Kərimin ən qədim səs yazısının 130 yaşı tamam olub.
Söhbət müqəddəs Məkkə şəhərində ayələri oxuyan naməlum şeyxin səsinin audio yazısından gedir. Verilən məlumata görə, şeyxin səsi fonoqrafla 1885-ci ildə yazılıb.
Fonoqraf Tomas Edison tərəfindən yaradılmış səs yazısı aparatıdır. Onun səs cığırı fırlanan baraban üzərində slindirik formalı spiralda açılır. İlk fonoqraf 21 noyabr 1877-ci ildə təqdim edilib.
Səs yazısı Niderland islamşünası Kristian Snuk Qürxonya tərəfindən yazılıb. O, 1885-ci ildə Niderland hökumətinin təqaüdü ilə Həcc səfərini öyrənmək üçün Məkkəyə gedib.
Deyilənə görə, Kristian İslamı qəbul edib. Başqaları isə onun yalnız özünü Əbdül Qaffar adlı müsəlman kimi qələmə verməsini iddia edirlər. Həcc ərəfəsində beş ay ərzində o, bir sıra çəkilişlər aparıb və audio yazılar həyata keçirib. Amma o, Həcc zamanı Məkkədə qala bilməyib. (anspress.com)
Xəbərdən istifadə edərkən istinad etmək vacibdir.
