Dünyanın ən varlı adamların kimlər olması, bu qədər sərvəti hansı yollarla qazanması əksər insanları hər bir zaman düşündürüb.

1885-1937-ci illərdə yaşamış, Amerikanın, hərçənd ki, dünyanın ən böyük neft maqnatı, biznesmeni John D. Rockfeller bu günə qədər ən zəngin iş adamlarından sayılır.Ondan qalan mirası inflasiya ilə birgə hesablasaq, təxminən 253 milyard dollara bərabərdir. Qeyd edək ki, dünyada neft səaneyində etdiyi inqilabla tanınan Rokfeller yaratdığı "Standart Oil” şirkəti ilə ABŞ-da neft istehsalının 90 %-ni əlində cəmləşdirirdi. 1911-ci ildə müəyyən səbəblər üzündən dağılan "Standart Oil”-dan sonra Exxon Mobil, Chevron, Conoco Phillips adlı şirkətlər yaradıldı.

İkinci sırada karyerasını qayıqda yük daşımaqla başlayan Vanderbilt daha sonra dəmiryolları və dəniz nəqliyatı sahəsində qoyduğu yatırımlarla adını tarixə yazdırmağı bacarıb. Onun sərvətini bugünki meyarlarla hesablasaq, 205 milyard dollara çatdığının şahidi olarıq.

1763-1848 illərdə yaşamış alman əsilli John Jacop Astor zəngiliyinə görə 3-cü sırada yer alır. İlk başladığı dövrlərdə əlində sərmayəsi olmayan bu alman gəncinin qısa zaman içərisində əmlak biznesindəki uğurları onu ən zəngin insanlardan birinə çevirir. Qeyd edək ki, onun varidatı 138 milyard dollara yaxındır. Astor ailəsinin hazırda Manxettn ştatında 700 daşınmaz əmlaka sahib olduğu bildirilir.

Siyahının 4-cü pilləsində   fransız əsilli Stephen Girard qərarlaşıb. 120 milyard dollar  sərvətinin olduğu bildirilir. Matros kimi çalışan  Stefen sonradan özü kiçik bir gəmi alaraq, ticarətə başlayır.  Varlanan fransız daha sonra bank sahibi olur və bununla da zənginlər sırasına qoşulur.

Digər milyarder 1858-1933  illərdə yaşamış Riçard Mellon hazırki hesabla 103 milyardlıq sərvət ilə 5ci sıranın sahibidir. Dəmiryolları üzrə ixtisaslaşan Mellon bu sahəsinin bilicisi idi.

İsveç əsilli xeyriyyəçi Andrey Karnegi adlı milyarderin sərvəti sadəcə dodaq uçuqladır. Tam 101 milyard dollar. 1835-1919-cu illərdə yaşayan milyarder əsasən ölkəsinin dəmir sahəsindəki biznesə nəzarət edirdi. Xeyriyyəçi kimi tanınan Karnegi bir çox ölkələrdə şəxsi vəsaiti hesabına  3 minə yaxın kitabxana yaratmışdır.

7-ci sırada yer alan  Nyu-Yorkda böyük torpaq sahələrinin sahibi Stephen Van Rensselaerin sərvəti dövrümüzdəki hesablamalarla 101 milyardı ötür.

1803-1876-ci illərdə yaşayan Aleksander Turney Stevart  adlı irland əsilli iş adamı dövrünün ən nüfuzlu insanlarından hesab olunurdu. Ərzaq sənayesində birincilərdən idi. Dəyərləndirməyə görə sərvəti 100 milyard dollara çatır.

Növbəti qəhrəmanımız Microsoft proqramının yaradıcısı Bill Qeytsdir. Onun sərvəti 75 milyard dollar yaxındır. Bəzən ona "yaşayan ən zəngin insan” deyirlər.

Ən sonda  "Ford” avtomobil şirkətinin qurucusu Henri Ford 67 milyard dollarla adını tarixə yazdırmağı bacarıb.  (yenicag.az)