15 ildir ki, Rusiya siyasi olimpinin zirvəsində məskunlaşan Vladimir Putin bu müddətdə bir çox özəllikləri ilə tanınıb. Rusiya prezidentinin bu illər ərzində dəyişməz qalan mənfi xüsusiyyətlərindən biri onun əksər zamanlarda rəsmi görüşlərə gecikməsidir. Bu gecikmə halları o qədər çoxdur ki, artıq Vladimir Putinin 15 il ərzində formalaşan imicinin ayrılmaz tərkib hissəsinə çvrilib.
Rusiya mətbuatı da prezidentin bu "özəlliyi”nə diqqət ayıraraq, Putinin ən çox gecikdiyi rəsmi görüşlərin siyahısını hazırlayıb. Vladimir Putinin həmin "özəlliyi”ndən bəhs ediləcəyik.
Roma Papası I Fransisklə görüşə 1 saat
2015-ci ilin iyununda Vladimir Putin İtaliyaya səfəri çərçivəsində Roma Papası I Fransisklə görüş keçirməli idi. Amma Papa Vatikan sarayında qonağını düz 1 saat gözləyib. Buna baxmayaraq, tərəflərin 50 dəqiqəlik görüşü müsbət atmosferdə keçib.
Vladimir Putinin mətbuat xidmətinin rəhbəri Dmitri Peskov isə gecikmə səbəbi olaraq Rusiya prezidentinin Milanda keçirdiy rəsmi görüşlərin uzanmasını və Roma küçələrində kortejin ləng hərəkət etməsini göstərmişdi.
Böyük Britaniya kraliçası II Yelizaveta ilə görüşə 12 dəqiqə
2003-cü ilin iyununda Britaniya kraliçası II Yelizaveta ölkəsinə rəsmi səfər etmiş Rusiya prezidentini 12 dəqiqə gözləməli olmuşdu. Papa ilə müqayisədə qonağı daha az gözləməli olan kraliça Putinlə qısa görüş keçirmişdi. Rusiya tərəfinin gecikməni London küçələrindəki tıxacla izah etməsi isə Britaniya mətbuatının kəskin tənqidi ilə üzləşmişdi. Çünki prezident korteji üçün qoyulan "yaşıl dəhliz” onların tıxacda qalma ehtimalına şans vermirdi.
Almaniya kansleri Angela Merkellə görüşə 4 saat 15 dəqiqə
"Avropa-Asiya” 10-cu beynəlxalq sammitinin 2014-cü ilin oktyabrında Milanda keçirilən görüşündə də Putin Almaniya kansleri Angela Merkeli gözlətmişdi. Növbəti dəfə ölkə başçısının gecikməsinə izah verən mətbuat katibi Dmitri Peskov Putinin Belqradda keçirdiyi toplantıların uzanması səbəbindən Milanda axşam 9-da planlaşdırılan görüşün gecə 23:15-də baş tutduğunu demişdi. Bu arada Merkel rusiyalı həmkarının gecikdiy 4 saat ərazisində öz otel otağında Ukrayna prezidenti Pyotr Poroşenko ilə görüşmüşdü.
ABŞ prezidenti Barak Obama ilə görüşə 40 dəqiqə
Amerika prezidenti də Vladimir Putinin "gecikmə” sindromundan əziyyət çəkməli olub. 2012-ci ilin iyununda Meksikada keçirilən "G 20” sammitində Obama onunla görüşmək üçün 40 dəqiqə gözləməli olmuşdu. Keçmiş dövlət katibi Hillari Klinton həmin epizodu xatırlayaraq, Putin haqda "çox amansız və çox lovğa biridir”-deyə fikir səsləndirmişdi.
Hindistanın baş naziri Narendere Modi ilə görüşə 1 saat
Vladimir Putinin "gecikmə adəti”nə müqavimət göstərən azsaylı siyasətçilərrdən biri Hindistanın baş naziri olub. 2014-cü ilin iyulunda "BRİCS” ölkələrinin sammiti çərçivəsində axşam saat 8-də Putinlə görüşməli olan Narendere Modi 1 saat gözlədikdən sonra görüş məkanını tərk edir. Vladimir Putinin gəlişi zamanı isə aydın olur ki, özünəməxsus yuxu rejimi olan hindistanlı baş nazir artıq yatıb. Kremlin nümayəndə heyəti təcili olaraq Cənubi Afrika Respuiblikasının prezidenti Ceykob Zuma ilə görüş təşkil edib qrafikdə yaranmış boşluğu ləğv edə bilirlər.
Cənubi Koreya prezidenti Pak Kın Xe ilə görüşə 30 dəqiqə
2013-cü ilin noyabrında Cənubi Koreyaya səfər edən Putin yerli ölkə ictimaiyyətinin hiddətinə səbəb olub. Belə ki, Koreyanın xanım prezidenti Pak Kın Xe Putini yarım saat gözləməli olur. Nəzakət qaydalarına əməl olunmasına həssaslıqla yanaşan koreyalılar Putinin rəsmi görüşə gecikdiyini bilə-bilə yerli döyüş ustası ilə bir müddət söhbət etməsini xüsusən həzm edə bilmirdilər. Maraqlıdır ki, Putin görüş zamanı üzündə narazılıq ifadəsi olan Pak Kın Xedən gecikdiyi üçün üzr də istəməyib. Görünür bundan əvvəl 2013-cü ilin sentyabrında "G 20” zirvəsində və həmin ilin noyabrındakı görtüşlərdə həmkarını müvafiq olaraq 2 saat və 40 dəqiqə gözlədən Putin xanım prezidetlə görüşə gecikməsini adət halına salıb.
Ukrayna prezidenti Viktor Yanukoviçlə görüşə 4 saat
Hazırda Rusiya ərazisində sığınacaq almış Ukraynanın devirilmiş prezidenti Viktor Yanukoviç isə hələ dövlət başçısı olarkən Putini çox gözləmişdi. 2012-ci ilin iyulunda Ukrayna-Rusiya beynəlxalq komissiyasının Krımda keçirilən iclası zamanı Putin həmkarını 4 saat gözlətmişdi. İclasa gecikdiyini bilən Putin bununla belə, yolüstü "Gecə canavaları” bayker klubunun üzvləri ilə görüş də keçirmişdi. Həmin vaxt Ukrayna müxalifəti prezidenti diplomatik zəiflikdə ittiham etmişdi.
Maraqlıdır ki, Ukraynanın keçmiş baş naziri Yuliya Timoşenko 2009-cu ildə Yaltada görüşmək üçün Putini 3 saata yaxın gözləmişdi.
Monqolustanın baş naziri Çaxiaqiyn Elbeqdorjla görüşə 2 saat
1939-cu ilin sentybarında sovet-monqol qoşunları Yaponiya ordusunu Xalxin-Qol ətrafındakı döyüşlərdə məğlub etmişdilər. 2014-cü ilin sentyabrında bu qələbənin 75 illiyini birgə qeyd etmək üçün Rusiya prezidenti Vladimir Putin Ulan-Batora səfər edir. Amma hava limanında saat 12:00 üçün eniş etməli olan təyyarə yalnız 14:00-da Ulan-Batora çatır. 2 saat gecikən Putin birbaşa Monqolustan paytaxtının mərkəzi meydanına gedir və baş nazir Çaxiaqiyn Elbeqdorjla görüşür. Rusiya tərəfi gecikmənin səbəbini açıqlamaqdan imtina edir.
İsveç kralı XVI Karl Qustavla görüşə 30 dəqiqə
Rusiya prezidentinin görüşünə gecikdiyi Avropa kral ailəsinin daha bir nümayəndəsi XVI Karl Qustav olub. Öz zirehli "Mercedes Long-Long” markalı limuzini ilə İsveç kralının iqamətgahına yaxınlaşan Putin kralla bir müddət təkbətək görüş keçirir. Vaxtından əvvəl görüşləri bitirərək Stoqholm aeroportuna gedən Putin İsveç paytaxtında görünməmiş tıxaca səbəb olur.
İspaniya kralı I Xuan Karlosla görüşə 20 dəqiqə
Putinin gecikmə adətinin daha bir aristokrat "qurbanı” ispan kralı olub. 2006-cı ilin fevralında Madridin mərkəzində yerləşən "El Pardo” kral iqamətgahının önündə kraliça Sofiya ilə birlikdə Rusiya prezidenti Putini gözləyən I Xuan Karlos 20 dəqiqə gözləməli olub. Həmin vaxt temperaturun 5 dərəcə olmasına görə nazik geyinmiş kral ailəsinin cütlüyü Putini gözləyərkən xeyli üşümüşdü. Putin və Lyudmila Putina cütlüyü "Ep Pardo” sarayının qarşısına gələndə artıq fəxri qarovulun bir neçə əsgəri də huşunu itirmişdi.
Türkiyə prezidenti Rəcəb Yayyip Ərdoğanla görüşə 10 dəqiqə
I Avropa Oyunlarının açılış mərasimində iştirak edən Rəcəb Tayyip Ərdoğan və Rusiya prezidenti Putin iyunun 13-də Bakıda təkbəək görüş keçirmək barədə razılıq əldə edirlər.
Lakin 10 dəqiqəyə yaxın Putinin gəlişini gözləyən Ərdoğan əsəbi halda görüş yerini tərk edən zaman Rusiya xarici işlər naziri Sergey Lavrov mehmanxanaya gələrək Ərdoğanı sakitləşdirə bilir.
Bundan bir neçə dəqiqə sonra isə Vladimir Putin türkiyəli həmkarı ilə görüşə təşrif buyurur. (modern.az)
Xəbərdən istifadə edərkən istinad etmək vacibdir.
