Azərbaycanda turizmin inkişafına mane olan amillərdən biri aviabiletlərin qiymətinin yüksək olmasıdırsa, digəri də bahalı hotellərdir.

 

Paris  

Başlayaq dünyanın ən çox turist axını olan Fransadan. Paytaxt Parisdə istənilən çeşiddə və büdcənizə uyğun hotel tapa bilərsiz. İki və üçulduzlu hotellər 15-20 avrodan başlayır, hətta 10 avroya da hostellər, yəni yataqxanalar var.İnternet resurslarındakı axtarışlar təkcə paytaxtda 4927 hotel göstərdi. Məsələn, "Hotel Stars Paris Chilly-Mazarin"də bir gecə qalmaq 19 avrodur. Digər bahalı hotellər kimi bütün şəraiti var. Parking, WiFi xidməti və s. Onlar da qiymətə daxildir, əlavə ödəniş tələb olunmur. İkiulduzlu "Viator Hotel"də bir günə minimum 16 avro tələb olunur. Hotel çox sakit bir küçədədir. Burada bəzi hostellər kimi wc və vanna otağı ümumi istifadədədir. Şarl de Goll aeroportuna 18 km məsafədə olan "Balladins Roissy CDG - Saint-Mard" hoteli də ikiulduzludur, qiymət 21 avrodan başlayır. Buraya qidalanma daxil deyil. "Comfort Hotel CDG Goussainville" üçulduzludur, bir gün hoteldə qalmaq 21.33 avrodur. 10 avro ekstra ödənişlə səhər yeməyini hotelin bufetində yemək mümkündür. 30 nəfərlik görüş zalı da dincələnlərin ixtiyarındadır, avadanlıqlardan istifadə pulsuzdur. "Hotel Premiere Classe Chilly-Mazarin"də də bir gün üçün 20 avro tələb olunur. Hər bir nömrədə vanna otağı, wc, pulsuz WiFi, düz ekranlı televizor və s. var. "Anjou (D Anjou) Hotel"də gecələmək də 20 avrodur. Bu hotellərdə əsasən səhər yeməyi qiymətə daxil deyil, amma digər bahalı hotellər kimi bütün xidmətləri var. "Hotel Parc Even"də bir gün 22.50 avrodur, otaqlar iki nəfərlikdir, hər cür şəraitin olduğu yazılır, metroya da çox yaxındır. "Hotel Mon Reve"de qiymət 23.50 avrodan start götürür. Hər cür şəraiti var, səhər yeməyini birbaşa otaqda da yemək mümkündür. Özü də yaxşı yerdədir, Luvr sarayı və opera binasına yaxındır. Gecəsi 19.50 avro olan "Hotel Premiere Classe İgny" yaxşı səhər yeməyi təklif edir, bununçün adambaşına ekstra 6 avro ödəmək lazımdır. 6 manata kruasan, ağ və qara çörək, kofe, çay, şokolad, süd ve portağal suyu, həmçinin cem, marmelad, bal, yarma, pendir, kompot və yoqurt təklif olunur. Bizdə bu qiymətə bulvarda çayın yanında mürəbbənin davası hələ də gedir. Uzun xidmət siyahısından bəlli olur ki, rahat hoteldir. Parisdə "Hotel İbis Nord Sarcelles" 20 avro, "Cafe Hotel de L avenir" 21.67 avro, "Kyriad Fresnes" 22.50 avro, "Saint Sebastien" 23 Avro, "Le Clos D Alesia" 23.50 avro, "Rhetia" 24 avro, "Grand Hotel Magenta" 24.20 avro,"Victor Hugo" 24.50 avro,"Maubeuge Gare du Nord", "Euro Hotel Orly Rungis","Cecil", "Hotel de la Terrase", "Hotel Residence de Bruxelles", "Musset", "Mary s Hotel", "Hotel du Terrage" 25 avro, "Voltaire Republique" 26 avro, "Central Bastille", "Hotel du Square", "Beaunier" 27 avro, "Grand Hotel de Clermont" 27.20 avro, "Kyriad Orly Rungis", "Villa Du Maine", "Median Paris Congres" 27.50 avro və s.dir. Əyalətlərdə bundan da aşağı qiymətlər təklif olunur. Hər birində şərait var. Bu yazdıqlarımız o demək deyil ki, Fransada bütün hotellər belə ucuzdur, bahalılar da kifayət qədərdir, amma turistlərin seçim imkanı var, varlı bahalı hoteldə qalır, büdcəsi imkan verməyən isə parasına uyğun yer seçir. 

 

Roma 

İtaliya paytaxtında ucuz hotellər Parisdəkindən də çoxdur. "Casa Rosa" hotelində bir gün qalmaq 14.95 avrodur. "Hotel Positano" 16 avro, "Viennese", Fiesta" 17 avro, "Eurorooms", "Hostel II Papavero", "Stella" 18 avro, "Anakin", "Montestella", "Amico Hotel Roma" 19 avro, "Lella" 19.90 avro, "Rubino", "Soggiorno Blu", "Planet", "Castelfidardo", "Lazzari" 20 avro, "Acropoli" 21 avro, "Hotel Cressy", "Everest Roma" 21.25 avro, "Scheppers" 22, "Cristian" 22.14 avro, "Caput Mundi" 22.52 avro, "Locanda Otello Rossi" 23 avro, "Seiler" 23.10 avro, "Sileo" 23.30 avro, "Ortensia" 24 avro, "İndipendenza" 24.69 avro, "Antica Dimora Contessa Arrivabene" 24.75 avro, "Hotel Mari", "Euro Quiris", "Meraviglia", "Giamaica", "Galeno", "Bed in Roma" 25 avrodur. Bir sözlə 30 avroya qədər mərkəzə yaxın və hətta mərkəzdə istənilən qədər hotel tapmaq mümkündür. Təbii ki, bunların içindən seçim etməkdə fayda var, çünki bəzilərində əlavə xidmətlər üçün ödəniş tələb olunur, amma hamısında deyil. Məsələn, kondisionerdən istifadəyə görə və ya şəhərə daxil olduğunuz səbəbindən bəzi ödənişlər edilməlidir ki, bunlar da çox pul tutmur. İtaliyanın ikinci böyük şəhəri və həm də əsas iqtisadi mərkəzi olan Milanda "Hotel Greco"da qiymət 10 avrodan start götürüb. Xidmətləri sadalamaq mənasızdır, hər şəraiti var. "Hotel Ca Grande"də bir dəfə gecələmək 12.50 avrodur. Hətta səhər yeməyi də verilir. 10.90 avroya hostel "California", 11.67 avroya "Ambra" və yenə 12.50 avroya ""B&B Monteverdigarden"də otaq var. B&B o deməkdir ki, gecələməklə bərabər qiymətə səhər yeməyi də daxildir. "Hotel Bristol"da 13 avroya rahat qala bilərsiz. Milanda qiymətlər olduqca liberaldır, ucuz hotellərin əksəri 20 avro civarındadır. 

 

Praqa 

Çexiya paytaxtında da qiymətlər xeyli ucuzdur. Məsələn, üçulduzlu "Stary Pivovar" və ikiulduzlu "Cham" hotellərində bir gecə qalmaq 10 avro təşkil edir. "Czech İnn" 7.35 avro (hostel), "Beta Pension-Hostel" 9.23 avro, "Penzion Sprint" 9.97 avro, "Hotel Prokopka" 11.08 avro, "Chotol" 11.67 avro, "Ritchies Hostel & Hotel" 12.74 avro, "Mars" 13 avro, "Otakar" 13,50 avro, "Fortuna Rhea" 13.86 avro, "Brilliant" 13.96 avro, "Pension Carel" 14.77 Avro, "Vitkov", "Branik", "Golden City" 15 avro, "Karlin", "Kvetnice", "Florenc" 18 avro, "Kavalir" 18.30 avro, "Petr" 19.75 avro, "ABE Hotel", "Marketa" 21 avro, "Nabucco" 20.66 avro, "Royal Road Residence" 21.84 avro, "Colloseum" 24.50 avro, "Carlton" 27 avro, "Trevi Prague" 27.48 avro, "Ariston &Ariston Patio" 28.30 avro və s. qiymətlər iki və üçulduzlu hotellərə tətbiq olunur. Praqada yetərli qədər ucuz qiymətə hostellər də var. 

 

London

İngiltərə paytaxtı Londondakı qiymətləri nəinki Bakı ilə, heç bölgələrdəki şəraitsiz kirayə mənzillərlə də müqayisə etmək olmaz. 30-35 avroya yetərli qədər hotel nömrəsi təklif olunur. Amma çox ucuzları da var. "The Antigallican Hotel"də 19.92 avroya bir gecə qalmaq mümkündür. "Queens Hotel"də qiymət 23.47 avro, "Goddis Loddge", "Essex İnn-Southall"da 24.89 avro, "The Crystal Lodge Hotel"də 26.32 avro civarındadır. 28.41 avroya "Silk House Hotel"də qala bilərsiz. 30-35 avro qiymətlə olanlar isə "Anwar House", "Euro Lodge Clapham", "Euro Hotel Wembley", "Lords", "Banks", "Curzon House", "Caswell", "Barking Park", "Vegas", "Bluebels", "City Best Hotel", "New Dawn", "Rossmore", "Cranford"kimi onlarla üçulduzlu hotelin adlarını göstərə bilərəm. 

 

Berlin

Almaniya paytaxtı Berlində də ucuz hotellər arasında seçim həddən artıq çoxdur. "Pension am Kurt Schumacher Platz" 11 avro, "Residens 2000 Hostel &Hotel" 13 avro, "Agas Hotel" 14 avro, "Pension-Maximum", "Pension Adamshof" 15 avro, "Enjoy Hotel Berlin City Messe" 15.50 avro,"Mark Apart Hotel" 16 avro, "Aletto Schöneberg" və "Aletto Kreusberg" hotelləri 16.80 avro, "Alecsa Hotel am Olympiastadion" 18.50 avro, "Hotel 103" 19 avro, "Kolumbus GmbH", "Big Mama" 20 avro, "Transit Loft" 20.84 avro, "Hotel Transit" 21 avro, "Hotel de Ela" 21.25 avro, "Pension Victoria" 21.67 avrodur. 

 

Madrid 

İspaniya paytaxtında da hotellərin qiymətləri əlçatandır. Hər halda söhbət yenə seçim etdiyimiz ucuz yerlərdən gedir. Məsələn, üçulduzlu "Hotel Galaico"da 1 gün qalmaq 17.50 avrodur. Reytinqi də yüksəkdir - 94.3%. "Hotel Santander" 19.45 avro, "Exe Gran Hotel Almenar", "Barajas Plaza" 20 avro, "Osuna" 23.83 avro, "San Lorenzo" 24 avro, "Axor Feria" 24.66 avro, "Avenida de Espana" 25 avro, "Axor Barajas"da 26 avrodan otaqlar təklif olunur. Bu siyahıda ən yüksək qiymətlər 30-35 avro arasındadır. 

 

Sidney

Avstraliyanın bu iri şəhərində dördulduzlu tanınmış "Hotel Hide Park" bir günlük cəmi 14.4 avroya otaq təklif edir. Hotelin gözəl bağçası da varmış. Bizdə mərkəzdə məşhur hotellər ərazilərini daş-divar hörməklə yaraşığa salmağa çalışırlar. "Manly Oceanside Accommodation"da qiymət 16.91 avro, "Australian Sunrise Lodge" 20.07 avro, "Sydney Wattle Hotel" 25.03 avro, "Central Railway Hotel & Apartments" 28.58 avro, "Leisure İnn Sydney Central" 29.63 avrodur.

 

ABŞ 

Amerika bahalı ölkədir, amma onun da hər bir ştatında ucuz hotellər var. Dünyanın ən iri əyləncə və kazino mərkəzi sayılan Las Vegasda ikiulduzlu hotel 8.56 avrodur , adı da "AAE Palace Station Las Vegas". "AAECasino Hotel Wild West Las Vegas" 9.91 avro, "Siena Suiotes" 13.65 avro, "Travel Suites & Inn" 19.11 avro, "Las Vegas Airport Travelodge" cəmi 23.93 avroya qonaq qəbul edir. Mələklər şəhəri Los Angeles də qonaqpərvər sayıla bilər. "Mission Motel"də bir gecə qalmaq 14.56 avrodan başlayır. "Lincoln Motel"14.79 avro, "Santa Clarita Motel" 15.93 avro, "Days İnn Torrance Redondo Beach" 16.53 avro, "Americas Best Value İnn" 23.66 avro, "Geneva Motel" 29.94 avrodur və s. Çikaqo ştatında "Regal Motel"də qalmaq 15.93 avro, "Econo Lodge İnn &Suites O Hare" 20.25 avro, "Best Western Naperville İnn" 22.75 avro, New York City-də "Riff Hotel" 19.71 avro, "Chelsea Highline" 22.75 avro, "AAEHoward J s Hotel at JFK" 27.29 avrodan başlayan qiymətlər təklif edir. Görünüşcə də bahalı hotellərdən geri qalmırlar. Və bu cür əlçatan qiymətlər dünyanın bütün ölkələrində var, Azərbaycan istisna təşkil edir.  (bizimyol.info)