Milyarder iş adamları, dünyanın ən çox qazanan məşhurları bu pulları nə edir? Bu sual çoxlarını maraqlandırır. Əlbətdə şəxsi adası, milyon dollarlı maşınları, təyyarələri, bahalı əyləncələri olanlar da var. Amma milyardlarına baxmayaraq sadə həyat tərzi keçirən, bir neçə dollarlıq geyimdə gəzən, ucuz kafelərdə nahar edənlər də kifayət qədərdir.
Ən sadə milyarderləri oxuçularına təqdim edirik:
Karlos Slim Helu - nə təyyarəsi, nə yaxtası var...
Karlos Slim Helu dünyanın ən varlı insanıdır. "Forbes"in hesablamalarına görə, sərvəti 75 milyard dollardan da çoxdur. maraqlıdır ki, dünyanın ən varlı insanı bu statusuna uyğun yaşamı demək olar ki, yoxdur. Belə ki, Slim 5 otaqlı iki mərtəbəli bir evdə yaşayır. O, 10 ildir ki, eyni maşını sürür.
Varren Buffet - 60 ildir eyni evdə
70 milyarddan çox sərvəti olan, "Forbes"in siyahısında 2008-ci ildə "dünyanın ən varlı" adamı seçilən Buffet üçün əslində qazandığı pulun elə də böyük önəmi yoxdur. O, hələ də Ohayodakı 1958-ci ildə 31 min dollara satın aldığı iki mərtəbəli sadə evdə yaşayır. İndi bu evin dəyəri 200 min dollardır.
Mark Zuckerberg - 30 min dollarlıq maşın
Son illərin ən məşhur sosial şəbəkəsi olan "Facebook"un qurucusu və texnologiya dünyasının ən önəmli şəxslərindən biridir. Zuckerberqin sərvəti 20 milyard dollardan çoxdur. Lakin gənc iş adamı daima sadəliyi ilə seçilib. Onun toyu belə öz evinin həyətində bir neçə dostunun iştirakı ilə baş tutub. Markın sadəliyi onun idarə etdiyi maşından da görünür. O, hələ də 30 min dollar qiyməti olan maşınla işə gedir, 7 dollarlı geyimlərdən istifadə edir.
T.Boone Pickens - kartsız milyarder
87 yaşında 3 milyarddan çox sərvətə sahib olan iş adamı qəribə bir vərdişi var. Pickens Hər gün evdən çıxmadan öncə nə qədər pul xərcləyəcəyini hesablayır və yanında anacaq lazımı qədər pul götürür. Kredit kartından istifadə etmir.
Hillari Svank, Ledi Qaqa, Kristen Bell - endirimə qaçanlar
Hər üç ulduzun illik qazancları milyonlarla dollar civarında ölçülür. Lakin hər üçü endirim həvəskarıdır. Xüsusilə Hillari Svank yoxsul uşaqlıq keçirdiyi üçün bu özəlliyi ilə fəxr etdiyini deyir. Pop ulduz Ledi Qaqanı da dəfələrlə bir bazarları və endirimə başlayan mağazalarda görmək mümkün olub.
Taylor Svift - 100 dollardan çox pul götürmür
O, indi dünyanın ən çox qazanan pop ulduzudur. Hər gün büdcəsinə minlərlə dollar girir. Amma müğənni 15 dollarlıq geyimlərlə kamera qarşısına keçir, 30 dollarlıq nahar edir. Üzərində isə 100 dollardan çox pul gəzdirmir.
Çuk Feeney - Ən ucuz şərab
Məşhur "Duty Free"nin qurucusu dünyanın ən xeyirxaq insanlarından biridir. Uşaq və sağlamlıqla bağlı fondlara 4 milyarddan çox vəsait bağışlayıb. Nə geyimi, nə də yemək içməyinə milyarder kimi pul xərcləyir. Hətta restoran seçərkən belə ən ucuzunu istəyir.
İngvar Kamprad - markasının ən ucuz məhsulundan istifadə edir
O, IKEA məişət malları mağazalar şəbəkəsinin qurucusudur. Sərvəti 4 milyard dollar civarındadır və öz evini sahib olduğu şəbəkənin ən ucuz mebelləri ilə dekorasiya edib. Restoranlardakı yeməklərinə isə 50 dollardan çox pul xərcləmir. Market alış verişlərini isə endirim kuponları ilə etməyi sevir. (anspress.com)
Xəbərdən istifadə edərkən istinad etmək vacibdir.
