Bu gün saat 11 radələrində Türkiyəyə məxsus olan hərbi helikopter PKK terrorçuları tərəfindən vurulub. ANS PRESS-in Türkiyə mətbuatına istinadən verdiyi məlumata görə, hadisə Şırnak vilayətində baş verib.

PKK terrorçularının raket zərbəsi nəticəsində helikopterdə olan iki türk əsgəri ağır yaralanıb. Onların hər ikisi Şırnakda yerləşən hərbi hospitala gətirilib. Lakin həmin əsgərlərdən birinin həyatını xilas etmək mümkün olmayıb. Məlum olub ki, həlak olan əsgər icazə alıb həmin helikopterlə evinə gedirmiş.

Baş verən hücumdan dərhal sonra Şırnak sərhəd qoşunlarından havaya qalxan Kobra helikopterləri hadisəni törədən PKK terrorçularının olduğu əraziləri bombardman edib, güllə atəşinə tutublar.

Nəticədə bombalanan ərazilərdə yanğın başlayıb.

Hazırda yanğının söndürülməsi istiqamətində işlər aparılır.