İngiltərə hökuməti  İspaniya dövlətinə aid gəmilərin gizlin  şəkildə Gibraltar sularına girdiyini,  beləcə beynəlxalq hüququn pozduğunu  bildirib.

İngiltərə xarici işlər nazirinin müavini Hyüqo Svaye  mövzuyla bağlı açıqlamasında, ispan gəmilərinin xəbərdarlıq etmədən bir neçə dəfə Gibraltar sularına girdiyini bildirib.

Svaye  beləliklə  İspaniyanın beynəlxalq dəniz hüquqlarını açıq şəkildə pozduğunu bildirib.

Nazir müavini açıqlamasında "Bizlərə xəbər vermədən sularımıza girmək beynəlxalq  hüquq çərçivəsində qeyri-qanunidir. Bu Birləşmiş Krallığın suverenliyinin başqa bir Avropa Birliyi ölkəsi tərəfindən pozmaq deməkdir. Təcili olaraq bu mövzuyla əlaqədar olaraq İspaniya dövləti ilə danışıqlar aparılmalıdır”. Bununla artıq neçənci dəfədir ki, İngiltərə ilə İspaniya arasında Gibraltar mövzusunda gərginlik yaşanır. Bu hadisə il bağlı  İspaniyanın Londondakı səfiri Federico Trillo  bir neçə dəfə xarici işlər nazirliyinə çağırılıb.

Qeyd edək ki, İspaniya 1713 cü ildə "Utrext” Sülh müqaviləsiilə Gibraltarı İngiltərəyə verib. 1950-ci illərdə isə İspan General Francisco Franco  Cəbəllüttariqin İspaniyanın suverenliyində olduğunu müdafiə edərək 13 il boyunca İspaniyanın Gibraltar sərhədini bağlayıb. 1967 və 2002-ci illərdə edilən iki referendumla Gibraltar xalqı səs çoxluğu ilə İngilis suverenliyində qalmağı seçib.