"İslam dövləti”  (İŞİD) terror təşkilatı yaydığı videoda Türkiyədəki insanları cihada və İstanbulu fəth etməyə çağırıb.
Xeberle.com "Modern.az" saytına istinadən məlumat verir ki, daha əvvəl bir neçə dəfə Türkiyəni təhdid edən İŞİD yaydığı video ilə Türkiyədəki insanlara cihad çağırışı edib. Videoda danışan İŞİD əmiri isə keçən il Türkiyədən İŞİD-ə qatılıb. Prezident Rəcəb Tayyib Ərdoğan üçün təhqiramiz ifadələrin yer aldığı videoda, Ankaranın ABŞ liderliyindəki anti-İŞİD koalisiyaya qoşulması tənqid olunur. Türkiyədəki İŞİD tərəfdarlarına ünvanlanan videoda, türkiyəli bir İŞİD yaraqlısının türkcə danışdığı da diqqət çəkib.