"İslam dövləti” ekstremist qruplaşmasının silahlıları Suriyanın qədim Palmir şəhərində tanınmış arxeoloq və tarixi-memarlıq kompleksinin direktoru Xaled Asaadi öldürüblər.

AzNews.az xarici mediaya istinadən xəbər verir ki, bu barədə məlumatı Suriyanın qədim abidələr və muzeylər departamentinin direktoru Maamun Əbdül Kərim verib.



Qeyd edək ki, 82 yaşlı Xaled Asaad ömrünün 50 ilini arxeologiyaya sərf edib. Son oniliklərdə Xaled ABŞ, Fransa, Almaniya və İsveçrə arxeoloji missiyaları ilə əməkdaşlıq edib.

Verilən məlumata görə, Xaled Asaad təxminən 1 ay öncə əsir götürülüb.

Xatırladaq ki, Palmir may ayının sonlarından terrorçuların əlinə keçib. KİV-lərdə şəhərin yaraqlılar tərəfindən minalanması barədə məlumat verilib. İyulun əvvəllərində terrorçuların bir neçə qədim abidəni məhv etməsi xəbəri yayılıb.

Suriya hökuməti Palmirin də Suriyanın Aşşur, Nimrud və Xatr (Əl- Xadr) şəhərlərinin taleyini yaşayacağından ehtiyat edirlər. Belə ki, e.ə XIII əsrdə əsası qoyulmuş və Assuriyanın paytaxtı olmuş Kalax terrorçular tərəfindən buldozerlərlə yerlə yeksan edilib.