Türkiyə diplomatik əlaqələrinin olmadığı, sərhədlərinin bağlı olduğu Ermənistana beynəlxalq razılaşmaya əsasən, əsgər göndərəcək.

Türk əsgərinin Ermənistana gedəcəyi Baş qərargahın rəsmi açıqlaması ilə məlum olub. Türk əsgərinin Ermənistana Avropa Şərti Silahlı Qüvvələr Andlaşması (AKKA) çərçivəsində gedəcəyi bildirilib.

Baş qərargahın elanı belədir:

"AKKA çərçivəsində Türkiyə liderliyində 2015-ci il 11-14 oktyabr tarixləri arasında Ermənistanda AKKA nəzarəti icra ediləcək. Türkiyənin nəzarəti zamanı isə yanımızda Slovakiyadan da nəzarətçi olacaq. AKKA Yoxlama Heyətimiz vəzifəsini başa vuranda 14 oktyabr 2015 günü vətənə qayıdacaq”.