Meşədə yeməyə bir şey tapmayan ayı, yaşayış məskəninə üz tutdu. Rusiyanın Xabarovsk şəhərində ticarət mərkəzinə daxil olan əyripəncə polislərə çətin anlar yaşadıb.

Axşam saatlarında şəhər mərkəzindəki ticarət mərkəzinə daxil olan yırtıcı burda çox vaxt itirməyib. 10 dəqiqə marketdə qalan ayı, bu məkandan qorxaraq özünü giriş qapısından çölə atıb.

Əraziyə polis çağırılsa da, heç kim qəzəbli və qorxmuş ayının gözünə görünmək istəməyib. Asayiş keşikçiləri ticarət mərkəzindən uzaqlaşan yırtıcının çox qaçmasına imkan verməyib. Amma ayını zərərsizləşdirmək üçün polis yuxu gətirən iynədən deyil, silahdan istifadə edib və ayını öldürüb.

Qeyd edək ki, Sovet imperiyası dövründə Xabarovsk ətrafında 14 minə yaxın ayının yaşadığı təxmin edilirdi. İttifaqın dağılmasından sonra ovçular bölgədəki  yırtıcıların sayını kəskin şəkildə azaldıb.

(ATV.az )