Prezidentlik sizə bəlkə də, dünyanın ən stressli işi kimi gələ bilər. Amma Barak Obama ailəsinin yaşam tərzi tam bunun əksini deyir. Hətta bu ailənin aylıq xərcləri adamın ağlını başından alır.
Publika.az xarici mətbuata istinadən Obamaların inanılmaz lüks həyatını təqdim edir.
Prezident kabinet üzvlərinin maaşına bərabər illik təqaüd alır. 2014-cü ildə bu rəqəm 201.700 dollar təşkil edib. Cari ildə 202 min dollar olub. B.Obama ofisdən çıxdıqdan sonra ailəsi ilə birlikdə heç də monoton, orta sinif həyatı yaşamır. Amerika prezidentlərinin ailələri həyatlarının sonuna qədər gizli servis tərəfindən qorunur.
Məsələn, hər il eks prezidentin ailəsinin aşpaz, ya da bağban kimi xidmətçilərinin ödənişləri qarşılanır. Bu xərc üzrə 96 min dollar ayrılır. Əlavə olaraq eks prezidentin ailəsinin tətil, səyahət xərcləri hökumət tərəfindən nizamlanan fondun üzərinə düşür. Eləcə də eks- prezident rəhmətə getdikdə, onun dəfn xərclərini də hökümət ödəyir.
Obamaya gəlincə, qara dərili Amerika dövlət başçısı 400 min dollar maaş alır: O , səyahət üçün 100 min, əyləncə üçün 10 min, "ümumi xərclər" üçün 50 min dollar, "nəzərdə tutulmayan xərclər" üçün 1 milyon dollar alır.
Prezidentin bütün təhlükəsizlik xüsusiyyətləri olan 2 xüsusi təyyarəsi var. Təyyarələrdə yataq otağı, idman zalı, hətta qonaqlar üçün otaqlar nəzərdə tutulub.
Təyyarənin bir saatlıq xərci 210.877 dollar təşkil edir ki, bu ödəniş də prezidentin cibindən çıxmır.
Evdə bowling
Ağ Evdə yaşayan prezident ailəsinin istirahət etmək üçün harasa getməyə ehtiyacı yoxdur. Evdən uzaqlaşmadan bowling oynamaq, kino və teatr izləmək mümkündür.
Qapıda gözləyən canavar
Obamanın maşınının ləqəbi "canavar"dır. Canavar (the beast) normal limuzinlərdən fərqli avtomobildir. "Cadillac 5” xüsusi zirehlə örtülüb və güllə keçirməz təkərlərə sahibdir.
Bu arada Mişell Obama alış-veriş paketlərini avtomobilin baqajına yerləşdirə bilmir. Çünki avtomobilin odlama sistemi ilə oksigen balonları, eləcə də Barak Obamanın qan qrupuna uyğun mini qan bankı orada yerləşdirilib. Hər kəs prezidnetin və ailəsinin xüsusi şoferi ola bilməz. Sürücülər xüsusi hazırlanır və gizli xidmət üzvlərindən seçilir.
Çiçək lazımdı?
Bütün Ağ Ev, prezidentin ailəsi üçün nəzərdə tutulan xüsusi yaşayış sahəs hər gün nizamlı olaraq təzə çiçəklərlə bəzədilir. Hər il yalnız mənzərə dekorasiyasına 250 min dollar xərclənir.
Əsrlik içkilər
19-cu əsrdə Tomas Cefferson şərab yığmaq üçün 10 min dollar xərcləmişdi. Yığdığı şərablardan bəziləri hələ də Ağ Evin şərab anbarında qalır.
Təbii məhsullarla qidalan
Prezident ailəsi dondurulmuş məhsul istehlak etmir. Çünki Ağ Evin bağçasından aşbazlar gündəlik mahsul yığırlar. Bağça 2009-cu ildə sağlam həyat tərzi keçirməyi sevən Mişell Obama tərəfindən salınıb. Yeri gəlmişkən bağda hər gün təzə bal düzəldən arılar da var.
Xəbərdən istifadə edərkən istinad etmək vacibdir.
