Ötən il həyata keçirilən əməliyyat-axtarış tədbirləri nəticəsində insan alveri ilə bağlı 13 cinayətkar qrup zərərsizləşdirilib.
Xeberle.com xəbər verir ki, bu fakt Azərbaycanın İnsan alverinə qarşı mübarizə üzrə Milli Koordinatorunun 2018-ci il üzrə illik məlumatında əksini tapıb.
Hesabatda qeyd olunub ki, hesabat dövründə həyata keçirilən əməliyyat-axtarış tədbirləri ilə 144 insan alveri, habelə insan alveri məqsədilə sənədlərlə qanunsuz hərəkətlərlə əlaqədar 35 cinayət qeydə alınıb, 28 nəfərdən ibarət 13 cinayətkar qrup zərərsizləşdirilib. Barələrində axtarış elan olunmuş 51 təqsirləndirilən şəxsdən 34-ü saxlanılıb.
Sənəddə həmçinin qeyd olunub ki, insan alveri və məcburi əmək cinayətlərinə görə başlanılmış cinayət işlərindən 27-nin istintaqı yekunlaşıb və onların işi məhkəm'lərə verilib. Bu cinayət üzrə təqsirləndirilən 34 nəfərdən 5-i qadın, 29-u kişidir.
Xəbərdən istifadə edərkən istinad etmək vacibdir.
