Dünən Avropa İttifaqı keçirilən mətbuat konfransında İrana qarşı tətbiq etdiyi sanksiyaları aradan qaldırdığını elan edib.

Bununla da İranın valyuta transferi, sığorta əməliyyatları, eləcə də neft, qaz və digər təbii ehtiyatların idxal-ixracında qoyulan qadağa aradan qalxıb.

Bu gündən etibarən isə  İran xam neftini dünya bazarına çıxarıb.

40 ildən sonra ABŞ-ın, daha sonra İranın neft bazarına qoşulması hər gün neftin qiymətində ucuzlaşmalarla müşahidə olunur.

Belə ki, tələbat 94 milyon tondan az olmasına baxmayaraq, hər gün neft bazarına 97 milyon neft çıxarılır. Hasilatın çox olmasının, əlbəttə, siyasi səbəbləri də var. Amma reallıq bundan ibarətdir ki, neft hasilatı və təklifi yüksək olaraq qalmaqdadır.

"İranın neft bazarın açıxması təklif olunan neftin həcminin bir az da artmasına gətirib çıxarır”. Bunu ATV.az-a açıqlamasında  qtisadi Resursların Öyrənilməsi Mərkəzinin sədri, iqtisadçı Ruslan Atakişiyevbildirib.

Onun sözlərinə görə, İranın neft bazarına çıxması neftin qiymətinə də öz təsirini göstərəcək:

"Bu gün dünya bazarına çıxarılan neft tələb olunan neftdən çoxdur. Tələb və təklifin qarşılıqlı münasibəti çərçivəsində hələ ki, neftin qiyməti düşməkdə davam edir. İranın neft bazarına çıxması neftin dünya bazarında qiymətinin yenə də düşəcəyindən xəbər verir”.