"YouGov" sosioloji xidməti tərəfindən aparılan sorğu nəticəsində dünyanın ən hörmətli şəxslərinin adlarımüəyyənləşib. Sorğu dünyanın 30 ölkəsində aparılıb.

Modern.az saytı RİA Novosti-yə istinadən xəbər verir ki, "Dünyanın ən hörmətli adamları” siyahısına "Microsoft" şirkətinin sahibi Bill Qeyts rəhbərlik edir. ABŞ prezidenti Barak Obama siyahıda ikincidir. Üçüncü yerin sahibi isə Çin Xalq Respublikasının sədri Si Tsinpindir. Onun ardınca məşhur aktyor Çekki Çan gəlir.
Reytinqdə 5-ci yeri britaniyalı fizik-nəzəriyyəçi Stiven Hokinq tutub.

Rusiya prezidenti Vladimir Putin ilk onluğa daxil olub və 6-cı yerdə qərarlaşıb. Rusiya prezidenti siyahıda Tibet xalqının dini lideri Dalay Lamanı (7-ci), Hindistanın baş naziri Narendra Modini (8-ci), "Facebook" sosial şəbəkəsinin sahibi Mark Zukerberqi (9-cu), çinli iş adamı Cek Manı (10-cu) və keçmiş futbolçu Devid Bekxemi (11-ci) geridə qoyaraq 6-cı olub.

Dünyanın ən hörmətli qadını isə məşhur aktrisa Ancelina Coli seçilib. 

Böyük Britaniya Kraliçası II Yelizaveta ikici, ABŞ prezidentliyinə namizəd Hillari Klinton üçüncü ən hörmətli qadın seçilib.