ABŞ-ın Ankaradakı səfirliyi Türkiyədə yaşayan ölkə vətəndaşlarına növbəti dəfə terror xəbərdarlığı edib.

Səfirlik Türkiyədə yaşayan ABŞ vətəndaşlarını mayın 19-u Mustafa Kamal Atatürkün anım günü təhlükəsizlik baxımından ehtiyatlı olmağa çağırıb.

Ankaradakı səfirliyin saytında yerləşdirilən bəyanatda qeyd olunur ki, daha əvvəl "beynəlxalq terror təşkilatları açıq şəkildə ABŞ və xarici vətəndaşlara hücum edib”.

"ABŞ səfirliyi mayın 19-Türkiyədə terror olması imkanından xəbərdardır. Qəfil terror aktlar narahatlıq predmeti olaraq qalır”, - deyə səfirlik bildirib. 

ABŞ səfirliyi, həmçinin vətəndaşlarını mayın 22- hakim partiyanın qurultayının baş verəcəyi gün ehtiyatlı olmağa çağırıb: "Dinc nümayişlərinin keçiriləcəyi yerlərdən uzaq durmağı məsləhət görürük. Dinc nümayişlər qarşıdurma və zorakılığa çevrilə bilər. Gündəlik planlaşmalarınızı yerli orqanlar tərəfindən edilən təhlükəsizlik xəbərdarlığına uyğun təşkil etməyinizi təklif edirik”

Xatırladaq ki, martın 13-də Ankaranın Kızılay meydanında terror aktı baş verib. Terakt nəticəsində 37 nəfər həyatını itirmişdi. Hadisəyə görə PKK ilə əlaqəli "Kürdüstan Azadlıq Şahinləri” (TAK) qruplaşması məsuliyyəti öz üzərinə götürüb.
azvision.az