MMA (Qarışıq Döyüş Sənəti) üzrə döyüşçü Fyodor Yemelyanenkonun 9 yaşlı qızı Maşa oktyabrın 9-da bilinməyən insanlar tərəfindən hücuma məruz qalıb.
Qaynarinfo.Az xəbər verir ki, bu barədə cinayət işi qaldırılmasından sonra Rusiya prezidenti Vladimir Putin də bu işi nəzarəti altına götürüb. Bu barədə Putinin mətbuat xidməti Dmitri Peskov bildirib.
Qeyd edək ki, Yemelyanenko MMA Birliyinin qoyduğu qaydaların pozulduğunu əsas gətirərək MMA uşaq döyüşlərini tənqid etmişdi. Bu üzdən hansısa qüvvələrin Yemelyanenkoya xəbərdarlıq etdiyi güman edilir.
Onu da bildirək ki, "Sonuncu İmperator" ləqəbli Fyodor Yemelyanenko Ukraynada doğulsa da, Rusiya vətəndaşıdır. 40 yaşlı Yemelyanenko müxtəlif versiyalar üzrə MMA-da dünya çempionu olub. Onun sambo üzrə 4 dəfə dünya və 9 dəfə Rusiya çempionluğu da var.

Xəbərdən istifadə edərkən istinad etmək vacibdir.