İzmirdə fəaliyyət göstərən Azərbaycan Kardeşlik və İşbirliyi Dərnəyi mətbuata demokratiya platforması adı altında son günlər Türkiyədə baş verən terror olaylarını qınayan açıqlama yayıb. Dərnək tərəfindən buna dair mətbuat konfransı da keçirilib. Tədbirə İzmirdə fəaliyyət göstərən 100-dən çox QHT qatılıb. Konferansda çıxış edən AKİDER və DAK sədri Asif Kurban baş verən hadisələri lənətlədiklərini, Türkiyə Respublikasının, dövlətinin, polisinin, əsgərinin yanında olduqlarını və bundan sonra da olacaqlarını bəyan edib. O, baş verənlərdən xalqımızın üzüldüyünü və xüsusən burada yaşayan azərbaycanlıların bu hadisələri öz dərdi olaraq qəbul etdiyini söyləyib. İzmir icra Başçısı Erol Ayyıldız da öz növbəsində Asif Kurbana, o cümlədən digər qeyri-hökümət təşkilatlarına təşəkkür edərək Türkiyənin yanında olduqları, birlik bərabərlik nümayiş etdirdikləri üçün onlara öz minnərdarlığını bildirib. Xalqımızın gücü qarşısında heç bir gücün üstə çıxa bilməyəcəyini, Türkiyə Cümhuriyətinin daim yaşayacağını, dövlətimizin gücünü bütün dünyanın görəcəyini və bu ölkədə terrorun və yaxudda başqa hadisələrin yer tuta bilməyəcəyini söylədi. Sonda Asif Kurban qəbul etdikləri, başqa QHT-lərin də imza atdığı bəyanatı icra başçısına təqdim etdi. Mətbuat açıqlamasından sonra İzmir Polis İdarəsi müdirinə də baş çəkən QHT-lər ordada terrora yox dediklərini, daim dövlətin, polisin, əsgərin yanında olacaqlarını bildirdilər.
Arzu Qocayev
Xeberle.com saytının İzmir təmsilçisi

Xəbərdən istifadə edərkən istinad etmək vacibdir.