Saqqal və qara paltar qadağan olunur.
Qazaxıstan prezidenti Nursultan Nazarbayev qeyri-matəm vaxtlarda qara rəngdə paltarların qadağan edilməsinin zəruri olduğunu deyib.
Xeberle.com "lenta.ru”ya istinadən xəbər verir ki, N. Nazarbayev qazax qadınlarının tamamilə qara rəngdə geyimlər geydiyini deyib. O əlavə edib ki, müsəlman geyimi ilə yox, inancı ilə seçilməlidir.
Qazaxıstan prezidenti bildirib: "Maarifçiliyin zəif olması səbəbindən gənc oğlanlarımız şalvarlarının ətəyini qısa edir, saqqal saxlayırlar. Başdan ayağa qaraya bürünmüş qazax qızların da sayı artır. Bu, nə bizim adətə, nə də xalqımza uyğundur. Ona görə bunun qarşısını qanunvericilik səviyyəsində almaq lazımdır. Qazaxlar qara libası ancaq yas mərasimlərində geyinirlər”.
Prezident deyib ki, Qazaxıstan dünyəvi dövlət olaraq qalmalıdır: "Gənclərimiz xalqımıza yad olan təlimatlara əməl etsə, görün nə olar? Müstəqil Qazaxıstan parlaq gələcəyə malik olmalıdır, millət bir olmalıdır, dünyəvi dövlətimiz gələcəkdə də inkişaf etməlidir. Biz məqsədimizə qarşı çıxanlara dözüm nümayiş etdirməyəcəyik”.

Xəbərdən istifadə edərkən istinad etmək vacibdir.