Rusiyada bir neçə ay davam etmiş anonim zənglər ölkə xaricindən ayrı-ayrı qruplar tərəfindən edilib.
Trend-in məlumatına görə, bunu Rusiya Daxili İşlər Nazirliyinin Moskva şəhər idarəsinin rəhbəri Oleq Baranov deyib.
Onun sözlərinə görə, aparılan araşdırmalar nəticəsində zənglərin ABŞ, Türkiyə, Ukrayna və Yaponiyadan edildiyi müəyyən olunub.
Bununla bağlı, 13 cinayət işi açılıb.
Qeyd edək ki, sentyabrın 11-dən etibarən Rusiyada müxtəlif obyekt və yaşayış binalarına bomba qoyulması barədə anonim zənglər başlayıb. Həmin dövrdən 170 şəhərdə 1 milyondan çox adam təxliyə olunub. Zənglərin heç biri öz təsdiqini tapmayıb.

Xəbərdən istifadə edərkən istinad etmək vacibdir.