Məlumdur ki, Türkiyənin Afrin əməliyyatı başlamaq üzrədir. Əgər belə bir əməliyyat başlayarsa, İran və Rusiyanın mövqeyi necə olacaq?
Politoloq Fərhad Mehdiyev Xeberle.com-a bildirdi ki, kürdlərin qalib gəlməsi bu iki dövlət üçün maraqlı olmasa da, onlar bu əməliyyatı dəstəkləyəcəklər:
" İran Türkiyəni birmənalı şəkildə dəstəkləyəcək. Çünki kürdlərin güclənməsi İranın xeyrinə deyil. Rusiya da etiraz etməyəcək. Amma Rusiya və İran ümumiyyətlə Türkiyənin müəyyən qədər zəifləməsində maraqlıdırlar. Yəni onlar istəyərlər ki, Afrində kürdlərlə açıq silahlı döyüşlərə girilsin və Türkiyə ordusu müəyyən zədələr alsın, zəifləsin. Belə olduğu təqdirdə Türkiyə daha çox Rusiyaya sığınacaq, İranın da daha az rəqib şəklində qarşısına çıxacaq. Amma onu da deyim ki, İran kürdlərin güclənməsində də qətiyyən maraqlı deyil. Həmçinin kürdlərin güclənməsinin arxasında dayanan əsas faktor Amerika olduğuna görə, bunda Rusiya da maraqlı deyil, çünki bu eyni zamanda Amerikanın da güclənməsi mənasına gələcək”.
Elnarə Salamova
Xeberle.com
Siyasət bölməsi
Xəbərdən istifadə edərkən istinad etmək vacibdir.
