ABŞ, Kanada, Ukrayna, Albaniya və Avropa Birliyinin 15 ölkəsi "Skripal işi” ilə əlaqədar rusiyalı diplomatları ərazilərindən çıxarıblar.
"Ölkə.Az” xarici KİV-lərə istinadən xəbər verir ki, bununla da bu ölkələr martın ortalarında rusiyalı 23 diplomatı ölkədən qovan Böyük Britaniyaya qoşulublar.
Ağ Evin yüksək rütbəli nümayəndəsinin sözlərinə görə, bu həftə ərzində diplomatik missiyanın 48, BMT yanındakı nümayəndəlikdən isə 12 diplomat ABŞ-dan çıxarılacaq. Bundan başqa Sietl şəhərində yerləşən Rusiya baş konsulluğunun da bağlanması haqqında qərar qəbul edilib. O da vurğulanıb ki, ABŞ Rusiyaya cavab kimi digər tədbirlərə də əl atacaq.
Bundan başqa, Kanada, Fransa, Polşa, Ukrayna, Çexiya, Litva, Estoniya, Danimarka, İtaliya, İspaniya, Niderland, Almaniya, Finlandiya, Rumıniya, Xorvatiya, Latviya və Albaniya da rus diplomatları ölkələrindən çıxaran dövlətlər siyahısındadır.
Rəsmi Moskva isə baş verənləri "dostluqdan uzaq və təxribat xarakterli addım” adlandırıb.
Rus diplomatlarını ərazilərindən çıxaran dövlətlər: ABŞ (48 diplomat və BMT nümayəndəliyinin 12 əməkdaşı), Ukrayna (13 diplomat), Fransa (4 diplomat), Polşa (4 diplomat), Kanada (səfirliyin və baş konsulluğun 4 əməkdaşı), Litva (3 diplomat, o cümlədən 2 hərbi attaşe), Böyük Britaniya (23 diplomat), Danimarka (2 diplomat), İtaliya (2 diplomat), Hollandiya (2 diplomat), Almaniya (4 diplomat), Çexiya (3 diplomat), Estoniya (hərbi attaşe), Latviya (1 diplomat və "Aeroflot"un 1 əməkdaşı), Finlandiya (1 diplomat), Rumıniya (1 diplomat), Xorvatiya (1 diplomat).
Xəbərdən istifadə edərkən istinad etmək vacibdir.
