Sərdar Cəlaloğlu: "Düşmən yaxşı bilir ki, Naxçıvandakı hissələr Azərbaycan ordusunun ən güclü qruplaşmalarından biridir”.
Son vaxtlar rəsmi İrəvan hərbi müstəvidə bir sıra qərarlar alıb ki, buna Daxili Qoşunların təmas xəttində yerləşdirilməsi, azçəkili şəxslərin ordu sıralarına cəlb edilməsi və s. daxildir. Düşmənin təmas xəttində bunca canlı resurs toplaması nə ilə bağlıdır? Yaxın gələcəkdə Ermənistanın növbəti dəfə təxribat xarakterli hansısa addımlar atması mümkündürmü?
Xeberle.com xəbər verir ki,Moderator.az-a açıqlama verən ADP sədri Sərdar Cəlaloğlu baş verənləri Ermənistan ordusundakı əsgər çatışmazlığı və ciddi narahatlıqla izah etdi:
"Bu yaxınlarda Naxçıvandakı hərbi hissələr bəzi strateji yüksəklikləri ələ keçirdi və Ermənsitanın ərazisinin böyük bir hissəsinə nəzarət imkanı əldə etdi. Ermənilər yaxşı bilir ki,Naxçıvandakı hissələr Azərbaycan ordusunun ən güclü qruplaşmalarından biridir. Türkiyə zaman-zaman Naxçıvandakı ordumuzun təkmilləşməsində iştirak edib. Birgə manevrlər keçirilib və s. Buna görə də Ermənistan Rusiyanın köməyindən bəhrələnməyə çalışır.
Ermənistan ordunu lazımi çağırışçı ilə təmin edə bilmədiyi üçün çəkisi az olan, habelə həqiqi hərbi xidmət yaşından çox olan şəxsləri ordu sıralarına cəlb edir. Hətta orduya yararlı olmayan şəxsləri də orduya cəlb edir. Bu isə Ermənistan ordusundakı vəziyyətin kifayət qədər ağır olduğunu göstərir”.
Xəbərdən istifadə edərkən istinad etmək vacibdir.
