Futbol üzrə dünya çempionatına gəlmək istəyən üç mindən çox əcnəbi vətəndaş Rusiyaya buraxılmayıb.

Xeberle.com-un "Kommersant” qəzetinə istinadən verdiyi məlumata görə, bunu Rusiyanın daxili işlər naziri Vladimir Kolokoltsev deyib. Onun sözlərinə görə, həmin vətəndaşlar daha əvvəl digər idman obyektlərində pozuntulara yol veriblər: "Qanunu pozanlar barədə məlumatları əcnəbi həmkarlarımızdan almışıq. Onlar bura buraxılmayıblar. Bu da dünya çempionatının təhlükəsiz keçirilməsinə də təsir edib”. V. Kolokoltsev qeyd edib ki, dünya çempionatında təhlükəsizliyi 100 mindən çox əməkdaş təmin edib.