Nepalda Birləşmiş Ərəb Əmirliklərinin "Flydubai” şirkətinin pilotu reysə çıxmağa hazırlaşarkən uçuşuna qadağa qoyulub. Buna səbəb müayinə zamanı pilot M.Hüseynin alkoqol qəbul etdiyinin aşkarlanması olub.


Xeberle.com yazır ki, bu haqda "Kathmandu Post”  qəzeti xəbər  yayıb. Olay Nepalın paytaxtı Katmandu yaxınlığında Tribuvan hava limanında meydana gəlib. Sərxoş pilot N.Hüseyn  tərəfindən idarə olunacaq hava gəmisində 153 sərnişin  Dubaya uçmalı idi.


Lakin hava limanı idarəsi uçuş reysinin kapitanına alkoqol testindən uğursuz keçməsi səbəbindən  uçuşu həyata keçirməsini  qadağan edib. Bundan öncə aviaşirkətin nümayəndələri ekipajın qəribə hərəkətləri barədə administrasiyaya şikayət edib.
Beləliklə, "FZ 8018” reysi təxirə salınıb.  Sərnişinlər isə Dubaya yalnız həmin günün axşamı uça biliblər. Pilotla əlaqədar istintaq davam edir. Onun həbs edilmək təhlükəsi var.