Venesuela prezidenti Nikolas Maduro hökumətin həyata keçirdiyi iqtisadi islahatların ölkədə yaşanan ərzaq və dərman problemi səbəbindən müvəffəqiyyətsiz olduğunu etiraf edib.
Xeberle.com Yeniavaz.com-a istinadən bildirir ki, Maduro Venesuela Sosialist Partiyasının konqresində etdiyi çıxışı zamanı qeyd edib ki, bugünə kimi tətbiq etdiyimiz islahat modeli uğursuz oldu: "Bu uğursuzluğun məsuliyyət mənə və sizə aiddir".
55 yaşlı dövlət başçısı xarici qüvvələrin sərt təzyiqlərinə baxmayaraq islahatlara davam etməyin vacibliyini vurğulayıb. Nikolas Maduro deyib ki, sanksiyalar olsa da, olmasa da Venesuela iqtisadiyyatı güclənməlidir.
Venesuela prezidenti yeni iqtisadi islahatlardan uğurlu nəticə əldə etmək üçün onlara daha 2 il lazım olduğunu açıqlayıb və qeyd edib ki, bunun üçün həm də ölkədə sabitliyin olması lazımdır.
Qeyd edək ki, Venesuela iqtisadiyyatı yüksək inflyasiya və qeyri-sabitlik səbəbiylə böhran keçirir. Ölkədəki illik inflyasiyanın 40 min faiz olduğu, inin sonuna kimi 1 milyon faizə yüksələcəyi gözlənilir.
Beynəlxalq Valyuta Fondu (IMF) bu ölkədə adambaşına düşən milli gəlirin 18 faiz azaldığını açıqlayıb. .
Dünyada ən böyük neft ehtiyatlarına sahib olan Venesuelada minimum əmək haqqına cəmi bir neçə paket makaron ya da iki qutu yumurta almaq mümkündür. Milli valyuta sürətlə dəyərdən düşdüyü üçün insanlar malların mübadilə üsulundan istifadə edir.
Xəbərdən istifadə edərkən istinad etmək vacibdir.
