Ermənistanda Rusiya Federal Təhlükəsizlik Xidmətinin Sərhəd İdarəsinin əməkdaşları Ermənistan-Türkiyə sərhədini pozan şəxsi saxlayıblar.
Xeberle.com Axar.az-a istinadla xəbər verir ki, saxlanılan şəxs Türkiyə vətəndaşı olub.
Rusiya FTX-nin yaydığı məlumata görə, aparılan yoxlamalar zamanı ələ keçirilən şəxsin telefonunda Ermənistanın sərhəd ərazilərində yerləşən mühəndis qurğuları və maneələrin görüntüləri aşkarlanıb. Bundan sonra həmin şəxs Ermənistan hüquq-mühafizə orqanlarına təhvil verilib.
Ermənistan mətbuatı artıq indidən ələ keçən şəxsin Türkiyə kəşfiyyatına işləməsiylə bağlı məlumatlar yaymağa başlayıb.
Xəbərdən istifadə edərkən istinad etmək vacibdir.
